ಡಿಸಿಇಟಿ ಅಭ್ಯರ್ಥಿಗಳಿಗೆ ಮುಖ್ಯ ಮಾಹಿತಿ: ಕ್ರೀಡೆ ಇತರೆ ವಿಶೇಷ ಕ್ಯಾಟಗರಿ ದಾಖಲೆ ಸಲ್ಲಿಸಲು ಕೆಇಎ ಸೂಚನೆ

ಬೆಂಗಳೂರು: ಡಿಸಿಇಟಿ-2026ರ ಅಭ್ಯರ್ಥಿಗಳು ತಮ್ಮ ಅರ್ಜಿಯಲ್ಲಿ ಡಿಫೆನ್ಸ್‌, ಕ್ರೀಡೆ ಇತ್ಯಾದಿ ವಿಶೇಷ ಕ್ಯಾಟಗರಿಗಳನ್ನು ಕ್ಲೇಮ್ ಮಾಡಿರುವವರು ತಮ್ಮ ದಾಖಲೆಗಳನ್ನು ಜೂನ್ 24 ಅಥವಾ 25ರಂದು ಮಲ್ಲೇಶ್ವರದ ಕರ್ನಾಟಕ ಪರೀಕ್ಷಾ ಪ್ರಾಧಿಕಾರ(KEA) ಕಚೇರಿಯಲ್ಲಿ ಸಲ್ಲಿಸಬೇಕು.

ವಿಶೇಷ ಚೇತನ ಕೋಟಾ ಅಡಿಯಲ್ಲಿ ಸೀಟು ಪಡೆಯಲು ಕ್ಲೇಮ್ ಮಾಡಿರುವ ಅಭ್ಯರ್ಥಿಗಳ ವೈದ್ಯಕೀಯ ತಪಾಸಣೆ ಜೂ.30ರಂದು ನಡೆಯಲಿದೆ. ವಿಕ್ಟೋರಿಯಾ ಮತ್ತು ಮಿಂಟೊ ಕಣ್ಣಿನ ಆಸ್ಪತ್ರೆಯಲ್ಲಿ ನಡೆಯುವ ತಪಾಸಣೆಗೆ ನಿಗದಿತ ದಾಖಲೆ ಸಮೇತ ಹಾಜರಾಗಬೇಕು.

ವೃತ್ತಿಪರ ಡಿಪ್ಲೊಮಾ ಪದವೀಧರ ಅಭ್ಯರ್ಥಿಗಳಿಗೆ ಎಂಜಿನಿಯರಿಂಗ್ ಕಾಲೇಜುಗಳಲ್ಲಿ ಲ್ಯಾಟರಲ್ ಪ್ರವೇಶಕ್ಕೆ ಅವಕಾಶ ಇದ್ದು, ಜೂನ್ 30 ಅಥವಾ ಜುಲೈ 1ರಂದು ಕೆಇಎ ಕಚೇರಿಯಲ್ಲಿ ದಾಖಲೆ ಪರಿಶೀಲನೆ ನಡೆಯಲಿದೆ. ಅರ್ಹರು ದಾಖಲೆ ಸಮೇತ ಹಾಜರಾಗಬೇಕು ಎಂದು ಕರ್ನಾಟಕ ಪರೀಕ್ಷಾ ಪ್ರಾಧಿಕಾರದ ಕಾರ್ಯನಿರ್ವಾಹಕ ನಿರ್ದೇಶಕ ಹೆಚ್.ಪ್ರಸನ್ನ ತಿಳಿಸಿದ್ದಾರೆ.