ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಕಸ ವಿಲೇವಾರಿ ಹೆಸರಿನಲ್ಲಿ ದೇಶದ ಇತಿಹಾಸದಲ್ಲೇ ಕಾಣದಂತಹ ಅತ್ಯಂತ ಭೀಕರ ಹಾಗೂ ಬೃಹತ್ ಹಗರಣ ನಡೆದಿದೆ ರಾಜ್ಯ ಕಾಂಗ್ರೆಸ್ ಸರ್ಕಾರವು ಕಸದ ಹೆಸರಿನಲ್ಲಿ ಬರೋಬ್ಬರಿ 36,000 ಕೋಟಿ ರೂಪಾಯಿ ಲೂಟಿ ಹೊಡೆದಿದೆ ಎಂದು ವಿಧಾನಸಭೆಯ ವಿರೋಧ ಪಕ್ಷದ ನಾಯಕ ಆರ್.ಅಶೋಕ್ ಭೀಕರ ದಾಖಲೆಗಳ ಸಮೇತ ಗಂಭೀರ ಆರೋಪ ಮಾಡಿದ್ದಾರೆ.
ಅಷ್ಟೇ ಅಲ್ಲದೆ, ಈ ಅಕ್ಷರಶಃ ನಡುಕ ಹುಟ್ಟಿಸುವ 36,000 ಕೋಟಿ ರೂಪಾಯಿ ಹಗರಣದಲ್ಲಿ ಬರೋಬ್ಬರಿ 10,000 ಕೋಟಿ ರೂಪಾಯಿ ಲಂಚ ಪಡೆಯಲಾಗಿದೆ ಎಂದು ಅಶೋಕ್ ನೇರವಾಗಿ ಗುಡುಗಿದ್ದು, ಇಡೀ ರಾಜ್ಯ ರಾಜಕೀಯದಲ್ಲಿ ಈ ಹಸಿಬಿಸಿ ಸುದ್ದಿ ಈಗ ತಲ್ಲಣ ಸೃಷ್ಟಿಸಿದೆ
ಮಾಧ್ಯಮಗಳೊಂದಿಗೆ ಖುದ್ದಾಗಿ ಮಾತನಾಡಿದ ಆರ್.ಅಶೋಕ್, ಕಸದ ಹೆಸರಿನಲ್ಲಿ ನಡೆದಿರುವ ಲೂಟಿಯ ಸಂಪೂರ್ಣ ಕಂಪ್ಲೀಟ್ ದಾಖಲೆಗಳನ್ನು ತಾವೇ ಸಂಗ್ರಹಿಸಿರುವುದಾಗಿ ತಿಳಿಸಿದ್ದಾರೆ. “ಕಸದಲ್ಲಿ ಇಷ್ಟು ದೊಡ್ಡ ಹಗರಣ ನಡೆದಿರುವುದು ದೇಶದ ಇತಿಹಾಸದಲ್ಲೇ ಇದೇ ಮೊದಲು. ಮುಂದಿನ 30 ವರ್ಷಗಳ ಅವಧಿಗೆ ಟೆಂಡರ್ ನೀಡಿ ಈ ಮಹಾ ಹಗರಣ ಮಾಡಲಾಗಿದೆ. ಅಷ್ಟೇ ಅಲ್ಲ, ಇದನ್ನು ಇನ್ನೂ 35 ವರ್ಷಕ್ಕೆ ವಿಸ್ತರಣೆ ಮಾಡಿಕೊಳ್ಳುವ ಲೂಟಿ ಪ್ಲಾನ್ ಇಲ್ಲಿದೆ” ಎಂದು ಆರೋಪಿಸಿದ್ದಾರೆ.
ಹೈಕಮಾಂಡ್ ಲಿಂಕ್: ಈ ಇಡೀ ಹಗರಣ ದೆಹಲಿ ಮೂಲದ ಕಂಪನಿಯಿಂದ ನಡೆದಿದ್ದು, ಕಾಂಗ್ರೆಸ್ ಹೈಕಮಾಂಡ್ ಮೂಲಕವೇ ಈ ಲೂಟಿ ಆಟ ಆಡಲಾಗಿದೆ ಎಂದು ಅಶೋಕ್ ಹೊಸ ಬಾಂಬ್ ಸಿಡಿಸಿದ್ದಾರೆ.
ಬ್ಲಾಕ್‌ಲಿಸ್ಟ್ ಕಂಪನಿಗೆ ಮಣೆ: ಈಗಾಗಲೇ ಕಪ್ಪು ಪಟ್ಟಿಗೆ (Blacklist) ಸೇರಿರುವ ‘ರಾಮ್ ಕಿ’ ಹೆಸರಿನ ಕಂಪನಿಗೆ ನಿಯಮಗಳನ್ನು ಗಾಳಿಗೆ ತೂರಿ ಈಗಿನ ಸರ್ಕಾರ ಬಿಗ್ ಟೆಂಡರ್ ಕೊಟ್ಟಿದೆ ಎಂದು ಅವರು ದಾಖಲೆ ಬಿಚ್ಚಿಟ್ಟಿದ್ದಾರೆ.
ಅಂಕಿ-ಅಂಶಗಳ ಅಸಲಿ ಲೆಕ್ಕಾಚಾರ: ಕಸದ ನಿಜವಾದ ಖರ್ಚು ಎಷ್ಟು?ಬೆಂಗಳೂರಿನ ಜನರ ತೆರಿಗೆ ಹಣವನ್ನು ಬಲಾಢ್ಯ ಕಂಪನಿಗಳ ಪಾಲು ಮಾಡಲು ಸರ್ಕಾರ ಹೊಸ ಪ್ರಸ್ತಾವನೆ ತಂದಿದೆ ಎಂದ ಆರ್.ಅಶೋಕ್, ಬಿಬಿಎಂಪಿ ಕಸ ವಿಲೇವಾರಿಯ ವಾರ್ಷಿಕ ಅಸಲಿ ಖರ್ಚಿನ ಪಟ್ಟಿಯನ್ನು ಮಾಧ್ಯಮಗಳ ಮುಂದೆ ಇಟ್ಟಿದ್ದಾರೆ
ಬೆಂಗಳೂರಿನ ಕಸ ವಿಲೇವಾರಿಯ ವಾರ್ಷಿಕ ಅಸಲಿ ಖರ್ಚಿನ ಪಟ್ಟಿ
ಕಸ ಸಂಗ್ರಹಣೆ ಮತ್ತು ಸಾಗಾಟ (Transport): ₹514 ಕೋಟಿ ರೂಪಾಯಿ
ಪೌರಕಾರ್ಮಿಕರ ಅಧಿಕೃತ ವೇತನ (Salary): ₹444 ಕೋಟಿ ರೂಪಾಯಿ
ಕಸ ಸಂಸ್ಕರಣೆ ಮತ್ತು ವಿಲೇವಾರಿ (Processing): ₹380 ಕೋಟಿ ರೂಪಾಯಿ
ಒಟ್ಟು ವಾರ್ಷಿಕ ನೈಜ ವೆಚ್ಚ (Total Cost): ₹1,344 ಕೋಟಿ ರೂಪಾಯಿ
