ಬೆಂಗಳೂರು: 2026ನೇ ಸಾಲಿನ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿಗೆ ಅರ್ಹ ಪುರಸ್ಕೃತರನ್ನು ಆಯ್ಕೆ ಮಾಡಲು ರಚಿಸಲಾಗಿರುವ ಸಲಹಾ ಸಮಿತಿಗೆ ಹೆಚ್ಚುವರಿಯಾಗಿ ಆರು ಮಂದಿ ಸದಸ್ಯರನ್ನು ಸೇರ್ಪಡೆಗೊಳಿಸಿ ರಾಜ್ಯ ಸರ್ಕಾರ ಆದೇಶ ಹೊರಡಿಸಿದೆ.
ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯು ಅಕ್ಟೋಬರ್ 8, 2026ರಂದು ಹೊರಡಿಸಿದ್ದ ಅಧಿಸೂಚನೆಗೆ ತಿದ್ದುಪಡಿ ತಂದು, ತಕ್ಷಣದಿಂದ ಜಾರಿಗೆ ಬರುವಂತೆ ಹಾಗೂ ಮುಂದಿನ ಆದೇಶದವರೆಗೆ ಈ ಕೆಳಕಂಡವರನ್ನು ಸಮಿತಿಯ ಸದಸ್ಯರನ್ನಾಗಿ ನೇಮಕ ಮಾಡಲಾಗಿದೆ:
- ಎಸ್. ನಾರಾಯಣ (ಬೆಂಗಳೂರು) – ಚಲನಚಿತ್ರ ಕ್ಷೇತ್ರ
- ಮದನಮಲ್ಲು (ಬೆಂಗಳೂರು) – ಚಲನಚಿತ್ರ ಕ್ಷೇತ್ರ
- ಹಮೀದ್ ಪಾಳ್ಯ (ಬೆಂಗಳೂರು) – ಮಾಧ್ಯಮ ಕ್ಷೇತ್ರ
- ನಂಜುಂಡೇಗೌಡ (ಬೆಂಗಳೂರು) – ಚಲನಚಿತ್ರ ಕ್ಷೇತ್ರ
- ನಂಜುಂಡಿ ಕೆ.ಪಿ. (ಬೆಂಗಳೂರು) – ಸಮಾಜಸೇವೆ ಕ್ಷೇತ್ರ
- ಅಬ್ದುಲ್ ರಾಜಾಕ್‌ (ಬೆಂಗಳೂರು ದಕ್ಷಿಣ ಜಿಲ್ಲೆ) – ಪತ್ರಿಕೋದ್ಯಮ ಕ್ಷೇತ್ರ
ರಾಜ್ಯಪಾಲರ ಆದೇಶಾನುಸಾರ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸರ್ಕಾರದ ಅಧೀನ ಕಾರ್ಯದರ್ಶಿ ಶಾಂತಲಾ ಎನ್. ಅವರು ಅಕ್ಟೋಬರ್ 12, 2026ರಂದು ಈ ಅಧಿಕೃತ ಸೇರ್ಪಡೆ ಆದೇಶವನ್ನು ಹೊರಡಿಸಿದ್ದಾರೆ.
