ಭಾವನಾತ್ಮಕ ವಿಡಿಯೋ ಹಂಚಿಕೊಂಡು ಸ್ನೇಹಿತ ನಾನಾ ಪಾಟೇಕರ್‌ರನ್ನು ನೆನೆದ ಅಮಿತಾಭ್ ಬಚ್ಚನ್

ಬಾಲಿವುಡ್‌ನ ಹಿರಿಯ ನಟ ಅಮಿತಾಭ್ ಬಚ್ಚನ್ ಅವರು ತಮ್ಮ ಆತ್ಮೀಯ ಸ್ನೇಹಿತ ಹಾಗೂ ಸಹನಟ ನಾನಾ ಪಾಟೇಕರ್ ಅವರನ್ನು ನೆನೆದು ಭಾವುಕರಾಗಿದ್ದಾರೆ. ನಾನಾ ಪಾಟೇಕರ್ ಅವರೊಂದಿಗಿನ ಹಳೆಯ ನೆನಪುಗಳನ್ನು ಮೆಲುಕು ಹಾಕಿರುವ ಅಮಿತಾಭ್, ಇಬ್ಬರೂ ಜೊತೆಯಾಗಿರುವ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಮೂಲಕ ಸ್ನೇಹಿತನಿಗೆ ಗೌರವ ಸಲ್ಲಿಸಿದ್ದಾರೆ.

https://www.instagram.com/p/DeRbCwxATQL/?utm_source=ig_embed&utm_campaign=loading” data-instgrm-version=”14″ style=” background:#FFF; border:0; border-radius:3px; box-shadow:0 0 1px 0 rgba(0,0,0,0.5),0 1px 10px 0 rgba(0,0,0,0.15); margin: 1px; max-width:540px; min-width:326px; padding:0; width:99.375%; width:-webkit-calc(100% – 2px); width:calc(100% – 2px);”>

https://www.instagram.com/p/DeRbCwxATQL/?utm_source=ig_embed&utm_campaign=loading” style=” background:#FFFFFF; line-height:0; padding:0 0; text-align:center; text-decoration:none; width:100%;” target=”_blank”>

View this post on Instagram

https://www.instagram.com/p/DeRbCwxATQL/?utm_source=ig_embed&utm_campaign=loading” style=” color:#c9c8cd; font-family:Arial,sans-serif; font-size:14px; font-style:normal; font-weight:normal; line-height:17px; text-decoration:none;” target=”_blank”>A post shared by Amitabh Bachchan (@amitabhbachchan)

">www.instagram.com/embed.js”>

ನಾನಾ ಪಾಟೇಕರ್ ಜೊತೆಗಿನ ಅಪರೂಪದ ವಿಡಿಯೋ ಹಂಚಿಕೊಂಡ ಬಿಗ್ ಬಿ

ಶುಕ್ರವಾರ ಸಂಜೆ ಅಮಿತಾಭ್ ಬಚ್ಚನ್ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಲವು ವಿಡಿಯೋಗಳನ್ನು ಒಳಗೊಂಡ ಪೋಸ್ಟ್ ಹಂಚಿಕೊಂಡಿದ್ದಾರೆ. ಈ ವಿಡಿಯೋಗಳಲ್ಲಿ ನಾನಾ ಪಾಟೇಕರ್ ಅವರು ಸಂದರ್ಶನವೊಂದರಲ್ಲಿ ಅಮಿತಾಭ್ ಬಗ್ಗೆ ಮಾತನಾಡಿರುವ ದೃಶ್ಯಗಳೂ ಇವೆ.

1999ರಲ್ಲಿ ಬಿಡುಗಡೆಯಾದ ಕೋಹ್ರಾಮ್ ಚಿತ್ರದ ಮುಹೂರ್ತ ಸಮಾರಂಭದ ವಿಡಿಯೋ ಕೂಡ ಗಮನ ಸೆಳೆಯುತ್ತದೆ. ಈ ದೃಶ್ಯದಲ್ಲಿ ಅಮಿತಾಭ್ ಬಚ್ಚನ್ ಮತ್ತು ನಾನಾ ಪಾಟೇಕರ್ ವೇದಿಕೆಯಲ್ಲಿರುತ್ತಾರೆ. ಬಳಿಕ ನಟ ಜಾಕಿ ಶ್ರಾಫ್ ಅವರ ಬಳಿಗೆ ಬರುತ್ತಾರೆ. ಮೂವರೂ ತಮಾಷೆಯ ಮಾತುಕತೆಯಲ್ಲಿ ತೊಡಗಿರುವಾಗ ಅಮಿತಾಭ್ ಫೋನ್‌ನಲ್ಲಿ ಮಾತನಾಡುತ್ತಿರುವುದೂ ಕಂಡುಬರುತ್ತದೆ.

ಇದಲ್ಲದೆ, 2024ರಲ್ಲಿ ನಾನಾ ಪಾಟೇಕರ್ ಅವರು ಕೌನ್ ಬನೇಗಾ ಕರೋಡ್‌ಪತಿ ಕಾರ್ಯಕ್ರಮಕ್ಕೆ ಅತಿಥಿಯಾಗಿ ಬಂದಿದ್ದ ಸಂದರ್ಭದ ವಿಡಿಯೋಗಳನ್ನೂ ಹಂಚಿಕೊಳ್ಳಲಾಗಿದೆ. ಈ ಪೋಸ್ಟ್‌ಗೆ ಅಮಿತಾಭ್ ದೀರ್ಘವಾದ ಬರಹವನ್ನು ಸೇರಿಸದಿದ್ದರೂ, ಹಳೆಯ ನೆನಪುಗಳ ಮೂಲಕ ಸ್ನೇಹಿತನ ಅಗಲಿಕೆಯ ನೋವನ್ನು ವ್ಯಕ್ತಪಡಿಸಿದ್ದಾರೆ.

‘ಇಂದು ಅವರ ಸಂದೇಶ ಬರಲಿಲ್ಲ’ ಎಂದು ಭಾವುಕರಾದ ಅಮಿತಾಭ್

ನಾನಾ ಪಾಟೇಕರ್ ಅವರೊಂದಿಗಿನ ಒಡನಾಟವನ್ನು ನೆನೆದ ಅಮಿತಾಭ್ ಬಚ್ಚನ್ ತಮ್ಮ ಬ್ಲಾಗ್‌ನಲ್ಲಿಯೂ ಭಾವನಾತ್ಮಕವಾಗಿ ಬರೆದುಕೊಂಡಿದ್ದಾರೆ. ಇಬ್ಬರೂ ಆಗಾಗ ಸಂದೇಶಗಳ ಮೂಲಕ ಸಂಪರ್ಕದಲ್ಲಿರುತ್ತಿದ್ದರು. ಆದರೆ ಇದೀಗ ಆ ಸ್ನೇಹಿತನ ಸಂದೇಶ ಬಾರದಿರುವುದು ಅವರಿಗೆ ನೋವುಂಟುಮಾಡಿದೆ.

“ಸ್ತಬ್ಧಪ್ರತಿ ಎರಡು ದಿನಕ್ಕೊಮ್ಮೆ ಅವರಿಗೂ ನಮಗೂ ಸಂದೇಶಗಳ ಮೂಲಕ ಸಂಪರ್ಕ ಇರುತ್ತಿತ್ತು. ಇಂದು ಅವರ ಸಂದೇಶ ಬರಲಿಲ್ಲ” ಎಂದು ಅಮಿತಾಭ್ ಬಚ್ಚನ್ ಬರೆದುಕೊಂಡಿದ್ದಾರೆ.

ನಾನಾ ಪಾಟೇಕರ್ ಅವರ ಸರಳತೆ, ನೇರ ನುಡಿಗೆ ಬಿಗ್ ಬಿ ಮೆಚ್ಚುಗೆ

ಕೌನ್ ಬನೇಗಾ ಕರೋಡ್‌ಪತಿ ಕಾರ್ಯಕ್ರಮದ ವೇದಿಕೆಯಲ್ಲಿಯೂ ಅಮಿತಾಭ್ ಅವರು ನಾನಾ ಪಾಟೇಕರ್ ಅವರನ್ನು ಸ್ಮರಿಸಿದ್ದಾರೆ. ಅವರ ವಿಶಿಷ್ಟ ನಟನಾ ಶೈಲಿ, ನೇರ ನುಡಿ, ಸರಳತೆ ಮತ್ತು ಸಮಾಜಸೇವೆಯನ್ನು ಕೊಂಡಾಡಿದ್ದಾರೆ.

https://x.com/SonyTV/status/2108218362551517508

“ಅಪ್ರತಿಮ ಕಲಾವಿದ, ಸ್ನೇಹಿತ, ಹಿತೈಷಿ ಹಾಗೂ ಅತ್ಯುತ್ತಮ ಸಮಾಜಸೇವಕರೊಬ್ಬರು ನಮ್ಮ ನಡುವೆ ಇಲ್ಲ. ಅವರ ನೇರ ಮಾತು, ಸರಳತೆ ಮತ್ತು ಸತ್ಯವನ್ನು ನಿರ್ಭಯವಾಗಿ ಹೇಳುವ ಧೈರ್ಯ ಅವರನ್ನು ವಿಭಿನ್ನವಾಗಿಸಿತ್ತು. ಕೆಲವರು ನಮ್ಮ ಬದುಕಿನಿಂದ ದೂರವಾದರೂ, ಅವರ ಧ್ವನಿ, ಪರೋಪಕಾರ ಮತ್ತು ಅವರು ಕಲಿಸಿದ ಪಾಠಗಳು ಸದಾ ಉಳಿಯುತ್ತವೆ. ನಾನಾ ಅಂತಹ ವ್ಯಕ್ತಿಯಾಗಿದ್ದರು” ಎಂಬ ಅರ್ಥದಲ್ಲಿ ಅಮಿತಾಭ್ ತಮ್ಮ ಗೌರವವನ್ನು ವ್ಯಕ್ತಪಡಿಸಿದ್ದಾರೆ.

ನಾನಾ ಪಾಟೇಕರ್ ಅವರು ಕೌನ್ ಬನೇಗಾ ಕರೋಡ್‌ಪತಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದಾಗ ಗೆದ್ದ ಹಣವನ್ನು ಸಮಾಜಸೇವೆಗೆ ನೀಡಿದ್ದನ್ನು ಕೂಡ ಅಮಿತಾಭ್ ನೆನಪಿಸಿಕೊಂಡಿದ್ದಾರೆ. ಅವರ ಈ ಕಾರ್ಯ ಸಮಾಜದ ಬಗ್ಗೆ ಅವರಿಗಿದ್ದ ಕಾಳಜಿಗೆ ಸಾಕ್ಷಿ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಹಳ್ಳಿಯ ಬದುಕೇ ನೆಮ್ಮದಿ ಎಂದಿದ್ದ ನಾನಾ ಪಾಟೇಕರ್

ಕೌನ್ ಬನೇಗಾ ಕರೋಡ್‌ಪತಿ ಕಾರ್ಯಕ್ರಮದಲ್ಲಿ ತಮ್ಮ ಹಳ್ಳಿಯ ಜೀವನದ ಬಗ್ಗೆ ಮಾತನಾಡಿದ್ದ ನಾನಾ ಪಾಟೇಕರ್, ತಾವು ಹಳ್ಳಿಯ ವಾತಾವರಣದಲ್ಲಿಯೇ ಹೆಚ್ಚು ನೆಮ್ಮದಿಯಿಂದ ಇರುವುದಾಗಿ ಹೇಳಿದ್ದರು.

“ನಾನು ಹಳ್ಳಿಯಿಂದ ಬಂದವನು. ಇಲ್ಲಿ ಕೆಲಸ ಮಾಡುತ್ತೇನೆ, ಬಳಿಕ ನನ್ನ ಹಳ್ಳಿಗೆ ಹಿಂದಿರುಗುತ್ತೇನೆ. ಹಳ್ಳಿಯಲ್ಲಿರುವುದೇ ನನಗೆ ಇಷ್ಟ” ಎಂದು ಹೇಳಿದ್ದರು.

ಅದೇ ವೇಳೆ ಅಮಿತಾಭ್ ಬಚ್ಚನ್ ಅವರನ್ನು ತಮ್ಮ ಹಳ್ಳಿಗೆ ಆಹ್ವಾನಿಸಿದ್ದ ನಾನಾ, “ನೀವು ಇಷ್ಟೊಂದು ಕೆಲಸ ಮಾಡುವುದು ಏಕೆ? ಒಂದು ವಾರ ನಮ್ಮ ಹಳ್ಳಿಗೆ ಬಂದು ಉಳಿಯಿರಿ. ಅಲ್ಲಿ ಅದ್ಭುತವಾದ ನೆಮ್ಮದಿ ಇದೆ” ಎಂದಿದ್ದರು.

ತಮ್ಮ ದೈನಂದಿನ ಜೀವನದ ಬಗ್ಗೆಯೂ ಮಾತನಾಡಿದ್ದ ಅವರು, ಹಳ್ಳಿಯಲ್ಲಿ ತಮಗೆ ವ್ಯಾಯಾಮ ಮಾಡಲು ಜಿಮ್ ಇದೆ, ಎರಡು ಹಸುಗಳು ಮತ್ತು ಒಂದು ಎತ್ತು ಇವೆ ಎಂದು ತಿಳಿಸಿದ್ದರು. ಅಡುಗೆಯನ್ನೂ ತಾವೇ ಮಾಡಿಕೊಳ್ಳುವುದಾಗಿ ಹೇಳಿದ್ದರು.

“ಜೀವನ ನನಗೆ ನಿರೀಕ್ಷೆಗಿಂತಲೂ ಹೆಚ್ಚಿನದನ್ನು ಕೊಟ್ಟಿದೆ. ಈಗ ನನ್ನ ಅಗತ್ಯಗಳು ಸರಳವಾಗಿವೆ. ಸಂಜೆ ಪುಸ್ತಕಗಳನ್ನು ಓದುತ್ತೇನೆ. ನಗರದಲ್ಲಿ ಗೋಡೆಗಳಿದ್ದರೆ, ನನ್ನ ಹಳ್ಳಿಯಲ್ಲಿ ಪರ್ವತಗಳಿವೆ. ಬೆಳಗ್ಗೆ ಅಲಾರಂ ಬದಲಿಗೆ ಹಕ್ಕಿಗಳ ಕೂಗು ನನ್ನನ್ನು ಎಬ್ಬಿಸುತ್ತದೆ. ನವಿಲುಗಳೂ ಮನೆಗೆ ಬರುತ್ತವೆ” ಎಂದು ತಮ್ಮ ಸರಳ ಜೀವನವನ್ನು ವಿವರಿಸಿದ್ದರು.

ನಾನಾ ಅವರ ಮಾತುಗಳಿಂದ ಪ್ರಭಾವಿತರಾಗಿದ್ದ ಅಮಿತಾಭ್, “ನೀವು ನನ್ನನ್ನು ಮಂತ್ರಮುಗ್ಧಗೊಳಿಸಿದ್ದೀರಿ. ನಾನು ನಿಮ್ಮ ಮನೆಗೆ ಬರಬೇಕು” ಎಂದು ಹೇಳಿದ್ದರು. ಅದಕ್ಕೆ ನಾನಾ, “ಖಂಡಿತ ಬನ್ನಿ. ಈ ಮನೆ ನನ್ನದು ಮಾತ್ರವಲ್ಲ, ನನ್ನ ಸ್ನೇಹಿತರದ್ದೂ ಹೌದು. ನಿಮಗೆ ಮನೆಯಂತೆಯೇ ಅನಿಸಿದರೆ ಬಂದು ಉಳಿಯಿರಿ” ಎಂದು ಆತ್ಮೀಯವಾಗಿ ಆಹ್ವಾನಿಸಿದ್ದರು.

ಅಮಿತಾಭ್ ಬಚ್ಚನ್ ಮತ್ತು ನಾನಾ ಪಾಟೇಕರ್ ಇಬ್ಬರೂ ಒಟ್ಟಿಗೆ ನಟಿಸಿದ ಚಿತ್ರ ಕೋಹ್ರಾಮ್ (1999). ಈ ಚಿತ್ರವನ್ನು ಮೆಹುಲ್ ಕುಮಾರ್ ನಿರ್ದೇಶಿಸಿದ್ದರು.