"ನನಗೆ ಹುಡುಗಿ ಹುಡುಕಿ ಕೊಡಿ" : ಪ್ರಜಾಸೇವಾ ಅಂದೋಲನ ಕಾರ್ಯಕ್ರಮದಲ್ಲಿ ಯುವಕನ ವಿಚಿತ್ರ ಬೇಡಿಕೆ!

ಹಾಸನ : ಪ್ರಜಾ ಸೇವಾ ಆಂದೋಲನದಲ್ಲಿ ಯುವಕನ್ನೊಬ್ಬ ವಿಚಿತ್ರ ಬೇಡಿಕೆ ಇಟ್ಟಿದ್ದಾನೆ. ಯುವಕನ ಬೇಡಿಕೆ ಕೇಳಿ ಶಾಸಕರೇ ಅಚ್ಚರಿಗೆ ಒಳಗಾಗಿದ್ದಾರೆ. ನನಗೆ ಹುಡುಗಿಯನ್ನು ಹುಡುಕಿ ಕೊಡಿ ಎಂದು ಯುವಕನೊಬ್ಬ ಅರ್ಜಿ ಸಲ್ಲಿಸಿದ್ದಾನೆ. ಮದುವೆಯಾಗಲು ಹುಡುಗಿ ಸಿಗುತ್ತಿಲ್ಲ ಅಂತ ಯುವಕ ಅಳಲು ತೋಡಿಕೊಂಡಿದ್ದಾನೆ. 

ಈ ವೇಳೆ ಶಾಸಕ ಎ ಮಂಜು ಮದುವೆ ಆಗದೆ ಇರುವವರು ಬದುಕುತ್ತಿದ್ದಾರೆ. ತಲೆ ಕೆಡಿಸಿಕೊಳ್ಳಬೇಡ ನೀನು ಯಾರನ್ನಾದರೂ ಲವ್ ಮಾಡಿ ಮದುವೆಯಾಗು ಎಂದು ಸಲಹೆ ನೀಡಿದ್ದಾರೆ. ಸೆಪ್ಟೆಂಬರ್ 12ರಂದು ಹಾಸನದ ಅರಕಲಗೂಡಿನಲ್ಲಿ ಪ್ರಜಾ ಸೇವೆ ಆಂದೋಲನ ಕಾರ್ಯಕ್ರಮ ನಡೆದಿತ್ತು ಎಂದು ಯುವಕ ಕಳೆದೊಡಿಕೊಂಡಿದ್ದ ರೈತನ ಮಗ ಅನ್ನೋ ಕಾರಣಕ್ಕೆ ಯಾರು ಮದುವೆಯಾಗಲು ಒಪ್ಪುತ್ತಿಲ್ಲ. 

ಮನೆ ಇದೆ, ಆಸ್ತಿ ಇದೆ ದಿನದ ದುಡಿಮೆಗೆ ಅಂಗಡಿ ಇದ್ದರೂ ಹುಡುಗಿ ಸಿಗುತ್ತಿಲ್ಲ. 30ಕ್ಕೂ ಹೆಚ್ಚು ಯುವತಿಯರನ್ನು ನೋಡಿದರು ಯಾರು ಒಪ್ಪುತ್ತಿಲ್ಲ. ಅಪ್ಪ ಅಮ್ಮನಿಲ್ಲದ ತನಗೆ ಹುಡುಗಿ ಹುಡುಕಿ ಕೊಡಿ ಎಂದು ಶಾಸಕರ ಎದುರು ಯುವಕ ಆಳಲು ತೋಡಿಕೊಂಡಿದ್ದಾನೆ. ಈ ವೇಳೆ ಶಾಸಕ ಎ ಮಂಜು ಯುವಕನಿಗೆ ಸಲಹೆ ನೀಡಿ ಕಳುಹಿಸಿದ್ದಾರೆ. ಮದುವೆ ಆಗದವರು ತುಂಬಾ ಜನ ಬದುಕುತ್ತಿದ್ದಾರೆ. ನೀನೇ ಯಾವುದಾದರೂ ಒಂದು ಹುಡುಗಿಯನ್ನು ಲವ್ ಮಾಡಿ ಮದುವೆ ಆಗು ಎಂದು ಸಲಹೆ ಕೊಟ್ಟಿದ್ದಾರೆ.