ಚಿತ್ರರಂಗದ ಖ್ಯಾತ ನಟಿ ತಮನ್ನಾ ಭಾಟಿಯಾ ಇತ್ತೀಚೆಗೆ ಮುಂಬೈನಲ್ಲಿರುವ ತಮ್ಮ ಅತ್ಯಂತ ಐಷಾರಾಮಿ ಅಪಾರ್ಟ್ಮೆಂಟ್ನ ಒಳಗಿನ ಸೌಂದರ್ಯವನ್ನು ನಿರ್ದೇಶಕಿ ಫರಾ ಖಾನ್ ಅವರ ಯೂಟ್ಯೂಬ್ ವ್ಲಾಗ್ ಮೂಲಕ ಅಭಿಮಾನಿಗಳಿಗೆ ಪರಿಚಯಿಸಿದ್ದಾರೆ. ಮುಂಬೈನ ಜುಹು ವರ್ಸೋವಾ ಲಿಂಕ್ ರೋಡ್ನಲ್ಲಿರುವ ಬೇ ವ್ಯೂ ಅಪಾರ್ಟ್ಮೆಂಟ್ನಲ್ಲಿರುವ ಇವರ ಈ ಮನೆ, ಅತ್ಯಾಧುನಿಕ ವಿನ್ಯಾಸ ಹಾಗೂ ಸೌಕರ್ಯಗಳ ಅದ್ಭುತ ಸಂಗಮವಾಗಿದೆ. ವರದಿಗಳ ಪ್ರಕಾರ, ಸಮುದ್ರಕ್ಕೆ ಮುಖ ಮಾಡಿರುವ ಈ ಅಪಾರ್ಟ್ಮೆಂಟ್ನ ಅಂದಾಜು ಮೌಲ್ಯ ಬರೋಬ್ಬರಿ 16.6 ಕೋಟಿ ರೂಪಾಯಿ ಎನ್ನಲಾಗಿದೆ.
ಅರೆಬರೆ ಒಳಾಂಗಣ ಮತ್ತು ಐದು ಆಸನಗಳ ಜಕುಝಿ ಈ ಮನೆಯ ಪ್ರಮುಖ ಆಕರ್ಷಣೆ ಎಂದರೆ ಸಮುದ್ರದ ಸುಂದರ ನೋಟವನ್ನು ಒದಗಿಸುವ ವಿಶಾಲವಾದ ಓಪನ್ ಏರ್ ಬಾಲ್ಕನಿ. ಸುತ್ತಲೂ ಹಸಿರು ಗಿಡಗಳಿಂದ ಅಲಂಕೃತಗೊಂಡಿರುವ ಈ ಬಾಲ್ಕನಿಯಲ್ಲಿ ಐದು ಆಸನಗಳ ಜಕುಝಿ ವ್ಯವಸ್ಥೆ ಇದೆ. ತಮನ್ನಾ ಅವರ ತಂದೆ ಇಷ್ಟಪಟ್ಟು ಮಗಳಿಗೆ ಉಡುಗೊರೆಯಾಗಿ ನೀಡಿದ ಈ ಜಕುಝಿ, ಸ್ನೇಹಿತರೊಂದಿಗಿನ ಪಾರ್ಟಿ ಹಾಗೂ ಗರ್ಲ್ಸ್ ನೈಟ್ಸ್ ಸಮಯದಲ್ಲಿ ಹೆಚ್ಚಾಗಿ ಬಳಕೆಯಾಗುತ್ತದೆ ಎಂದು ತಮನ್ನಾ ವ್ಲಾಗ್ನಲ್ಲಿ ಹಂಚಿಕೊಂಡಿದ್ದಾರೆ.
ಕಲಾವಂತಿಕೆ ಮತ್ತು ಸರಳತೆಯ ಲಿವಿಂಗ್ ರೂಮ್ ಮನೆಯ ಲಿವಿಂಗ್ ರೂಮ್ ಬಿಳಿ ಮತ್ತು ಕಪ್ಪು ಬಣ್ಣಗಳ ಮಿಶ್ರಣದಿಂದ ಕೂಡಿದ್ದು, ಅತ್ಯಂತ ಆಕರ್ಷಕವಾಗಿ ಕಾಣುತ್ತದೆ. ಇಲ್ಲಿರುವ ಮೃದುವಾದ ವೆಲ್ವೆಟ್ ಸೋಫಾಗಳು ಮತ್ತು ಆಧುನಿಕ ಕಾಫಿ ಟೇಬಲ್ ಮನೆಗೆ ಭವ್ಯವಾದ ನೋಟವನ್ನು ನೀಡುತ್ತದೆ. ಇದಲ್ಲದೆ ಕಲಿ ಯುಗ ಎಂಬ ಹೆಸರಿನ ಆನೆಗಳು ಮತ್ತು ಮಾನವ ಆಕೃತಿಗಳನ್ನು ಒಳಗೊಂಡ ಪ್ರಸಿದ್ಧ ವರ್ಣಚಿತ್ರವು ಲಿವಿಂಗ್ ರೂಮ್ನ ಗೋಡೆಯನ್ನು ಅಲಂಕರಿಸಿದ್ದು, ಕಲಾಪ್ರೇಮಿಗಳ ಗಮನ ಸೆಳೆಯುವಂತಿದೆ.
ಫ್ಯಾಷನ್ ಪ್ರಿಯರ ಕನಸಿನ ವಾರ್ಡ್ರೋಬ್ ಚಿತ್ರರಂಗದ ಸ್ಟೈಲ್ ಐಕಾನ್ ಆಗಿರುವ ತಮನ್ನಾ ಅವರ ವಾಕ್ ಇನ್ ಕ್ಲೋಸೆಟ್ ಅಂದರೆ ಬಟ್ಟೆಗಳ ಕೊಠಡಿ ಪ್ರತ್ಯೇಕ ಪ್ರಪಂಚದಂತೆ ಕಾಣುತ್ತದೆ. ಅತ್ಯಂತ ಸುಂದರವಾದ ಲೈಟಿಂಗ್ ವ್ಯವಸ್ಥೆ ಹೊಂದಿರುವ ಈ ಕೊಠಡಿಯಲ್ಲಿ ಅವರ ವಿನ್ಯಾಸಕಾರರ ಉಡುಪುಗಳು, ಪಾದರಕ್ಷೆಗಳು ಮತ್ತು ಆಭರಣಗಳನ್ನು ವ್ಯವಸ್ಥಿತವಾಗಿ ಜೋಡಿಸಿಡಲಾಗಿದೆ. ಇದರೊಂದಿಗೆ ಕನಿಷ್ಠ ವಿನ್ಯಾಸದ ಡೈನಿಂಗ್ ಟೇಬಲ್ ಮತ್ತು ಸುಂದರವಾದ ಚಾಂಡ್ಲಿಯರ್ ಹೊಂದಿರುವ ಊಟದ ಕೋಣೆ ಮನೆಯ ಅಂದವನ್ನು ಮತ್ತಷ್ಟು ಹೆಚ್ಚಿಸಿದೆ.
