ಭಾರತೀಯ ರೈಲ್ವೆ ಪ್ರಯಾಣಿಕರಿಗೆ ಮಹತ್ವದ ಎಚ್ಚರಿಕೆ ನೀಡಿದೆ. ಪ್ರಯಾಣಿಕರ ಸುರಕ್ಷತೆ ಹಾಗೂ ಶಿಸ್ತು ಕಾಪಾಡುವ ಉದ್ದೇಶದಿಂದ ಹೊಸ ಕಠಿಣ ನಿಯಮಗಳನ್ನು ಜಾರಿಗೊಳಿಸಿದ್ದು, ರೈಲು ಅಥವಾ ನಿಲ್ದಾಣದಲ್ಲಿ ಧೂಮಪಾನ, ಪರವಾನಗಿ ಇಲ್ಲದೆ ವ್ಯಾಪಾರ, ಭಿಕ್ಷಾಟನೆ ಸೇರಿದಂತೆ ಹಲವು ಉಲ್ಲಂಘನೆಗಳಿಗೆ ₹2,000ರಿಂದ ₹2,500ರವರೆಗೆ ದಂಡ ವಿಧಿಸುವ ಎಚ್ಚರಿಕೆ ನೀಡಲಾಗಿದೆ.
ರೈಲಿನಲ್ಲಿ ಪ್ರಯಾಣಿಸುವವರು ಇನ್ನು ಮುಂದೆ ಹೆಚ್ಚು ಎಚ್ಚರಿಕೆಯಿಂದಿರಬೇಕು. ಭಾರತೀಯ ರೈಲ್ವೆ ಹೊಸ ನಿಯಮಗಳನ್ನು ಜಾರಿಗೊಳಿಸಿದ್ದು, ಧೂಮಪಾನ, ಅಕ್ರಮ ವ್ಯಾಪಾರ, ಭಿಕ್ಷಾಟನೆ, ಮಹಿಳಾ ಬೋಗಿಯಲ್ಲಿ ಅನಧಿಕೃತ ಪ್ರಯಾಣ ಸೇರಿದಂತೆ ವಿವಿಧ ನಿಯಮ ಉಲ್ಲಂಘನೆಗಳಿಗೆ ಭಾರೀ ದಂಡ ವಿಧಿಸಲು ಮುಂದಾಗಿದೆ.
ಪ್ರಯಾಣಿಕರ ಸುರಕ್ಷತೆ ಹಾಗೂ ಪ್ರಯಾಣದ ಅನುಭವವನ್ನು ಮತ್ತಷ್ಟು ಉತ್ತಮಗೊಳಿಸುವ ಉದ್ದೇಶದಿಂದ ಭಾರತೀಯ ರೈಲ್ವೆ ಇಲಾಖೆ ಹೊಸ ಹಾಗೂ ಕಠಿಣ ನಿಯಮಗಳನ್ನು ಜಾರಿಗೊಳಿಸಿದೆ. ರೈಲ್ವೆ ಕಾಯ್ದೆ-1989ರ ಕೆಲವು ವಿಧಿಗಳನ್ನು ತಿದ್ದುಪಡಿ ಮಾಡಿ, ರೈಲ್ವೆ ಕಾಯ್ದೆ-2026 ಅಡಿಯಲ್ಲಿ ಹೊಸ ನಿಯಮಗಳನ್ನು ಪ್ರಕಟಿಸಲಾಗಿದೆ. ಈ ನಿಯಮಗಳ ಪ್ರಕಾರ ರೈಲು ಅಥವಾ ರೈಲ್ವೆ ನಿಲ್ದಾಣದಲ್ಲಿ ಧೂಮಪಾನ, ಪರವಾನಗಿ ಇಲ್ಲದೆ ವ್ಯಾಪಾರ, ಭಿಕ್ಷಾಟನೆ ಸೇರಿದಂತೆ ಹಲವು ಉಲ್ಲಂಘನೆಗಳಿಗೆ ಭಾರೀ ದಂಡ ವಿಧಿಸಲಾಗುತ್ತದೆ.
1. ಧೂಮಪಾನ ಮಾಡಿದರೆ ₹2,000 ದಂಡ
ರೈಲ್ವೆ ಕಾಯ್ದೆಯ ಸೆಕ್ಷನ್ 167ರ ಪ್ರಕಾರ ರೈಲು ಹಾಗೂ ರೈಲ್ವೆ ಆವರಣದಲ್ಲಿ ಧೂಮಪಾನ ನಿಷೇಧವಾಗಿದೆ.
- ಹಿಂದೆ ಇದ್ದ ₹100 ದಂಡವನ್ನು ಈಗ ₹2,000ಕ್ಕೆ ಹೆಚ್ಚಿಸಲಾಗಿದೆ.
- ಟಿಕೆಟ್ ವಶಪಡಿಸಿಕೊಳ್ಳುವ ಜೊತೆಗೆ ರೈಲಿನಿಂದ ಇಳಿಸುವ ಕ್ರಮಕ್ಕೂ ಅವಕಾಶವಿದೆ.
- ಸ್ಥಳದಲ್ಲೇ ದಂಡ ಪಾವತಿಸದಿದ್ದರೆ ಪ್ರಕರಣ ನ್ಯಾಯಾಲಯಕ್ಕೆ ಹೋಗಬಹುದು.
- ನ್ಯಾಯಾಲಯದಲ್ಲಿ ₹5,000ವರೆಗೆ ದಂಡ ವಿಧಿಸುವ ಸಾಧ್ಯತೆಯಿದೆ.
2. ಪರವಾನಗಿ ಇಲ್ಲದೆ ವ್ಯಾಪಾರ, ಭಿಕ್ಷಾಟನೆ ಮಾಡಿದರೆ ಕಠಿಣ ಕ್ರಮ
ರೈಲ್ವೆ ಕಾಯ್ದೆಯ ಸೆಕ್ಷನ್ 144ರ ಪ್ರಕಾರ ಪರವಾನಗಿ ಇಲ್ಲದೆ ವಸ್ತು ಮಾರಾಟ ಮಾಡುವುದು ಅಥವಾ ಭಿಕ್ಷಾಟನೆ ನಡೆಸುವುದು ಅಪರಾಧ.
- ಗರಿಷ್ಠ ₹2,000 ದಂಡ ವಿಧಿಸಬಹುದು.
- ತಕ್ಷಣ ದಂಡ ಪಾವತಿಸದಿದ್ದರೆ ನ್ಯಾಯಾಲಯಕ್ಕೆ ಹಾಜರಾಗಬೇಕಾಗುತ್ತದೆ.
- ನ್ಯಾಯಾಲಯವು ₹5,000 ದಂಡದ ಜೊತೆಗೆ 3 ತಿಂಗಳವರೆಗೆ ಜೈಲು ಶಿಕ್ಷೆಯನ್ನೂ ವಿಧಿಸಬಹುದು.
3. ಟಿಕೆಟ್ ಇಲ್ಲದೆ ಪ್ರಯಾಣಿಸಿದರೆ ದಂಡ ಹೆಚ್ಚಳಕ್ಕೆ ಚಿಂತನೆ
ಟಿಕೆಟ್ ಇಲ್ಲದೆ ಅಥವಾ ಬೇರೆಯವರ ಟಿಕೆಟ್ನಲ್ಲಿ ಪ್ರಯಾಣಿಸುವವರ ವಿರುದ್ಧವೂ ರೈಲ್ವೆ ಇಲಾಖೆ ಕಠಿಣ ಕ್ರಮಕ್ಕೆ ಮುಂದಾಗಿದೆ.
- ಪ್ರಸ್ತುತ ₹250 ಇರುವ ದಂಡವನ್ನು ₹500ಕ್ಕೆ ಹೆಚ್ಚಿಸುವ ಪ್ರಸ್ತಾವನೆ ಇದೆ.
- ಬೇರೆಯವರ ಟಿಕೆಟ್ ಬಳಸಿ ಪ್ರಯಾಣಿಸಿದರೂ ಇದೇ ನಿಯಮ ಅನ್ವಯವಾಗಬಹುದು.
4. ಮಹಿಳಾ ಬೋಗಿಯಲ್ಲಿ ಪುರುಷರು ಪ್ರಯಾಣಿಸಿದರೆ ₹2,500 ದಂಡ
ಹೊಸ ನಿಯಮಗಳ ಪ್ರಕಾರ ಮಹಿಳೆಯರಿಗೆ ಮೀಸಲಾದ ಬೋಗಿಯಲ್ಲಿ ಪುರುಷರು ಪ್ರಯಾಣಿಸಿದರೆ,
- ₹2,500ವರೆಗೆ ದಂಡ ವಿಧಿಸುವ ಅವಕಾಶವಿದೆ.
- ಮಹಿಳಾ ಪ್ರಯಾಣಿಕರ ಸುರಕ್ಷತೆ ಮತ್ತು ಅನುಕೂಲಕ್ಕಾಗಿ ಈ ಕ್ರಮ ಕೈಗೊಳ್ಳಲಾಗಿದೆ.
