ಪ್ರಸ್ತುತ ಎಸ್‌ಬಿಐ ಬ್ಯಾಂಕ್ ತನ್ನ 5 ವರ್ಷಗಳ ಎಫ್‌ಡಿ ಹೂಡಿಕೆಗೆ ಸಾಮಾನ್ಯ ಗ್ರಾಹಕರಿಗೆ ವಾರ್ಷಿಕ 6.05% ಬಡ್ಡಿದರವನ್ನು ನೀಡುತ್ತಿದೆ. ಅದೇ ಅವಧಿಗೆ ಹಿರಿಯ ನಾಗರಿಕರಿಗೆ 7.05% ಬಡ್ಡಿದರವನ್ನು ನೀಡಲಾಗುತ್ತಿದೆ. ಈ ಹೆಚ್ಚುವರಿ ಬಡ್ಡಿದರವು ಹಿರಿಯ ನಾಗರಿಕರನ್ನು ಎಫ್‌ಡಿ ಹೂಡಿಕೆಯ ಕಡೆ ಹೆಚ್ಚು ಆಕರ್ಷಿಸಿದೆ.
ನೀವು ಸಾಮಾನ್ಯ ಗ್ರಾಹಕರಾಗಿ ಎಸ್‌ಬಿಐ ಬ್ಯಾಂಕಿನಲ್ಲಿ 5 ವರ್ಷಗಳ ಅವಧಿಗೆ ರೂ. 3 ಲಕ್ಷವನ್ನು ಎಫ್‌ಡಿಯಲ್ಲಿ ಠೇವಣಿ ಇಟ್ಟರೆ, ಪ್ರಸ್ತುತ 6.05% ಬಡ್ಡಿದರದ ಪ್ರಕಾರ ಅವಧಿ ಮುಗಿದಾಗ ಒಟ್ಟು ರೂ. 4,05,053 ಸಿಗುತ್ತದೆ. ಅಂದರೆ ಕೇವಲ ಬಡ್ಡಿಯಿಂದಲೇ ರೂ.1,05,053 ಲಾಭ ಪಡೆಯಬಹುದು.
ಹಿರಿಯ ನಾಗರಿಕರು ಇದೇ ರೂ.3 ಲಕ್ಷವನ್ನು ಎಸ್‌ಬಿಐ ಎಫ್‌ಡಿಯಲ್ಲಿ ಹೂಡಿಕೆ ಮಾಡಿದರೆ ಅವರಿಗೆ ಇನ್ನೂ ಹೆಚ್ಚಿನ ಲಾಭ ಸಿಗುತ್ತದೆ. 7.05% ಬಡ್ಡಿದರದ ಪ್ರಕಾರ 5 ವರ್ಷಗಳ ನಂತರ ಅವರ ರೂ.3 ಲಕ್ಷವು ರೂ.4,25,478 ಆಗುತ್ತದೆ. ಅಂದರೆ ಬಡ್ಡಿಯಾಗಿ ರೂ.1,25,478 ಲಾಭ ಸಿಗುತ್ತದೆ.ಹಿರಿಯ ನಾಗರಿಕರಿಗೆ ಸಾಮಾನ್ಯ ಗ್ರಾಹಕರಿಗಿಂತ ಸುಮಾರು ರೂ.20,000 ಹೆಚ್ಚು ಲಾಭ ದೊರೆಯುತ್ತದೆ. ನಿವೃತ್ತಿಯ ನಂತರ ಸ್ಥಿರ ಆದಾಯ ಒದಗಿಸಲು ಬ್ಯಾಂಕುಗಳು ಈ ರೀತಿಯ ಹೆಚ್ಚುವರಿ ಬಡ್ಡಿದರವನ್ನು ನೀಡುತ್ತವೆ.
FD ಹೂಡಿಕೆ ಮಾಡುವ ಮೊದಲು ಅವಧಿ, ಬಡ್ಡಿದರ ಮತ್ತು ನಿಮ್ಮ ಹಣಕಾಸು ಅಗತ್ಯಗಳನ್ನು ಗಮನದಲ್ಲಿಟ್ಟುಕೊಳ್ಳುವುದು ಮುಖ್ಯ. ತಕ್ಷಣ ಹಣದ ಅಗತ್ಯವಿರಬಹುದು ಎಂದು ಅನಿಸಿದರೆ ದೀರ್ಘಾವಧಿ FD ಆಯ್ಕೆ ಮಾಡುವ ಮೊದಲು ಯೋಚಿಸುವುದು ಉತ್ತಮ.
