ಖಾಸಗಿ ಟೆಲಿಕಾಂ ಕಂಪನಿಗಳು ರೀಚಾರ್ಜ್ ದರಗಳನ್ನು ಹೆಚ್ಚಿಸುತ್ತಿರುವ ಹಿನ್ನೆಲೆಯಲ್ಲಿ, ಕಡಿಮೆ ಬೆಲೆಯಲ್ಲಿ ದೀರ್ಘಾವಧಿಯ ವ್ಯಾಲಿಡಿಟಿ ನೀಡುವ ಮೂಲಕ ಬಿಎಸ್‌ಎನ್‌ಎಲ್ (BSNL) ಮೊಬೈಲ್ ಬಳಕೆದಾರರ ಗಮನ ಸೆಳೆಯುತ್ತಿದೆ. ಇದೇ ಸಾಲಿನಲ್ಲಿ ಕಂಪನಿಯ ₹1,499 ಪ್ರೀಪೇಯ್ಡ್ ರೀಚಾರ್ಜ್ ಪ್ಲಾನ್ ಉತ್ತಮ ಆಯ್ಕೆಯಾಗಿ ಹೊರಹೊಮ್ಮಿದೆ.
ತಿಂಗಳಿಗೆ ಸರಾಸರಿ ₹150ಕ್ಕಿಂತಲೂ ಕಡಿಮೆ ವೆಚ್ಚದಲ್ಲಿ ಸುಮಾರು 10 ತಿಂಗಳು ಸಿಮ್ ಸಕ್ರಿಯವಾಗಿರಲು ಈ ಪ್ಲಾನ್ ಅವಕಾಶ ನೀಡುತ್ತದೆ. ವಿಶೇಷವಾಗಿ ಕಡಿಮೆ ವೆಚ್ಚದಲ್ಲಿ ಇನ್‌ಕಮಿಂಗ್ ಮತ್ತು ಔಟ್‌ಗೋಯಿಂಗ್ ಸೇವೆಗಳನ್ನು ಮುಂದುವರಿಸಬೇಕೆಂದಿರುವವರಿಗೆ ಇದು ಉತ್ತಮ ಆಯ್ಕೆಯಾಗಿದೆ.
₹1,499 ಪ್ಲಾನ್‌ನಲ್ಲಿ ಏನೆಲ್ಲ ಸೌಲಭ್ಯಗಳಿವೆ?
BSNLನ ಈ ದೀರ್ಘಾವಧಿಯ ಪ್ರೀಪೇಯ್ಡ್ ಪ್ಲಾನ್ 300 ದಿನಗಳ ವ್ಯಾಲಿಡಿಟಿ ಹೊಂದಿದೆ. ಈ ಪ್ಲಾನ್ ರೀಚಾರ್ಜ್ ಮಾಡಿಕೊಂಡರೆ ದೇಶದ ಯಾವುದೇ ನೆಟ್‌ವರ್ಕ್‌ಗೆ ಉಚಿತ ಲೋಕಲ್, ಎಸ್‌ಟಿಡಿ ಹಾಗೂ ರಾಷ್ಟ್ರೀಯ ರೋಮಿಂಗ್ ವಾಯ್ಸ್ ಕರೆಗಳ ಸೌಲಭ್ಯ ದೊರೆಯುತ್ತದೆ.ಇದರ ಜೊತೆಗೆ ಒಟ್ಟು 32GB ಹೈ-ಸ್ಪೀಡ್ ಡೇಟಾ ಲಭ್ಯವಾಗುತ್ತದೆ. ಈ ಮಿತಿಯನ್ನು ಬಳಸಿದ ಬಳಿಕ ಇಂಟರ್‌ನೆಟ್ ವೇಗ 40 Kbpsಗೆ ಇಳಿಯುತ್ತದೆ.ಇದಲ್ಲದೆ, ಬಳಕೆದಾರರಿಗೆ ಪ್ರತಿದಿನ 100 ಉಚಿತ SMS ಕಳುಹಿಸುವ ಅವಕಾಶವೂ ಇದೆ.
ಈ ಪ್ಲಾನ್ ಯಾರಿಗೆ ಸೂಕ್ತ?
BSNL ಸಿಮ್ ಅನ್ನು ಎರಡನೇ (Secondary) ಸಿಮ್ ಆಗಿ ಬಳಸುವವರಿಗೆ.
ಕಡಿಮೆ ವೆಚ್ಚದಲ್ಲಿ ದೀರ್ಘಾವಧಿಯ ಇನ್‌ಕಮಿಂಗ್ ಮತ್ತು ಔಟ್‌ಗೋಯಿಂಗ್ ಸೇವೆ ಬಯಸುವವರಿಗೆ.
ಡೇಟಾ ಬಳಕೆ ಕಡಿಮೆ ಮಾಡಿ, ಮುಖ್ಯವಾಗಿ ವಾಯ್ಸ್ ಕಾಲ್‌ಗಳಿಗಾಗಿ ಮೊಬೈಲ್ ಬಳಸುವ ಹಿರಿಯ ನಾಗರಿಕರಿಗೆ.
ಮನೆ ಅಥವಾ ಕಚೇರಿಯಲ್ಲಿ Wi-Fi ಬಳಸುವ ಕಾರಣ ಮೊಬೈಲ್ ಡೇಟಾ ಅಗತ್ಯ ಕಡಿಮೆ ಇರುವವರಿಗೆ.
ರೀಚಾರ್ಜ್ ಮಾಡುವುದು ಹೇಗೆ?
₹1,499 BSNL ಪ್ಲಾನ್ ಅನ್ನು ಹಲವು ವಿಧಾನಗಳಲ್ಲಿ ರೀಚಾರ್ಜ್ ಮಾಡಬಹುದು. BSNL Self Care ಆ್ಯಪ್ ಡೌನ್‌ಲೋಡ್ ಮಾಡಿ, ನಿಮ್ಮ ಮೊಬೈಲ್ ಸಂಖ್ಯೆಯಿಂದ ಲಾಗಿನ್ ಆಗಿ ‘Plan Vouchers’ ವಿಭಾಗದಲ್ಲಿ ₹1,499 ಪ್ಲಾನ್ ಆಯ್ಕೆ ಮಾಡಿ ರೀಚಾರ್ಜ್ ಮಾಡಬಹುದು.ಅಥವಾ BSNL ಅಧಿಕೃತ ವೆಬ್‌ಸೈಟ್ ಮೂಲಕ ‘Recharge’ ಆಯ್ಕೆ ಮಾಡಿ ನಿಮ್ಮ ಸಂಖ್ಯೆಯನ್ನು ನಮೂದಿಸಿ ಪ್ಲಾನ್ ಆಯ್ಕೆ ಮಾಡಬಹುದು.ಇದಲ್ಲದೆ Google Pay, PhonePe, Amazon Pay ಸೇರಿದಂತೆ ವಿವಿಧ ಡಿಜಿಟಲ್ ಪಾವತಿ ಆ್ಯಪ್‌ಗಳಲ್ಲೂ BSNL ₹1,499 ಪ್ಲಾನ್ ಆಯ್ಕೆ ಮಾಡಿ ಸುಲಭವಾಗಿ ರೀಚಾರ್ಜ್ ಮಾಡಬಹುದು.
