ದೇಶದ ಚಿನ್ನದ ಆಮದು ವ್ಯವಸ್ಥೆಯನ್ನು ಮತ್ತಷ್ಟು ಪಾರದರ್ಶಕಗೊಳಿಸಲು ಮತ್ತು ರಫ್ತು ಬದ್ಧತೆಗಳನ್ನು ಕಟ್ಟುನಿಟ್ಟಾಗಿ ಜಾರಿಗೆ ತರಲು ಭಾರತ ಸರ್ಕಾರವು ಮಹತ್ವದ ನಿರ್ಧಾರ ಕೈಗೊಂಡಿದೆ. ಹೌದು. ಅಡ್ವಾನ್ಸ್ ಆಥರೈಸೇಶನ್ (Advance Authorisation) ಯೋಜನೆಯಡಿ ಚಿನ್ನದ ಆಮದಿಗೆ ಈಗ 100 ಕೆಜಿಯ ಗರಿಷ್ಠ ಮಿತಿಯನ್ನು ಹೇರಲಾಗಿದ್ದು, ಇದರೊಂದಿಗೆ ಕಡ್ಡಾಯ ಭೌತಿಕ ತಪಾಸಣೆ ಮತ್ತು ಹದಿನೈದು ದಿನಕ್ಕೊಮ್ಮೆ ವರದಿ ಸಲ್ಲಿಸುವಂತಹ ಕಠಿಣ ನಿಯಮಗಳನ್ನು ಜಾರಿಗೆ ತರಲಾಗಿದೆ.
ಈ ಹೊಸ ಕ್ರಮವು ಚಿನ್ನದ ದುರುಪಯೋಗವನ್ನು ತಡೆಯುವ ಜೊತೆಗೆ, ಆಮದು ಮತ್ತು ರಫ್ತು ಪ್ರಕ್ರಿಯೆಯ ಮೇಲೆ ವಿದೇಶಿ ವ್ಯಾಪಾರ ಮಹಾನಿರ್ದೇಶನಾಲಯದ (DGFT) ಹದ್ದಿನ ಕಣ್ಣು ಇರಲಿಕ್ಕಿದೆ.
ಈ ಯೋಜನೆಯಡಿ ಚಿನ್ನದ ಆಮದನ್ನು ನಿಯಂತ್ರಿಸಲು ಮತ್ತು ರಫ್ತು ಬದ್ಧತೆಗಳನ್ನು ಪೂರೈಸುವುದನ್ನು ಖಚಿತಪಡಿಸಿಕೊಳ್ಳಲು ಈ ಮಿತಿಯನ್ನು ನಿಗದಿಪಡಿಸಲಾಗಿದೆ.ಮೊದಲ ಬಾರಿಗೆ ಅರ್ಜಿ ಸಲ್ಲಿಸುವವರ ಉತ್ಪಾದನಾ ಘಟಕಗಳನ್ನು ಕಡ್ಡಾಯವಾಗಿ ಭೌತಿಕವಾಗಿ ತಪಾಸಣೆ ಮಾಡಲಾಗುವುದು. ಆ ಘಟಕದ ಸಾಮರ್ಥ್ಯ ಮತ್ತು ಕಾರ್ಯನಿರ್ವಹಣೆಯನ್ನು ಪರಿಶೀಲಿಸುವುದು ಇದರ ಉದ್ದೇಶ. ಹಿಂದಿನ ಪರವಾನಗಿಗಳ ಅಡಿಯಲ್ಲಿ ಕನಿಷ್ಠ 50% ರಫ್ತು ಜವಾಬ್ದಾರಿಯನ್ನು ಪೂರೈಸಿದವರಿಗೆ ಮಾತ್ರ ಮುಂದಿನ ಅರ್ಜಿ ಸಲ್ಲಿಸಲು ಅವಕಾಶವಿರುತ್ತದೆ.
ಪರವಾನಗಿ ಪಡೆದವರು ಪ್ರತಿ ಹದಿನೈದು ದಿನಗಳಿಗೊಮ್ಮೆ (Fortnightly) ತಮ್ಮ ಆಮದು ಮತ್ತು ರಫ್ತು ವಿವರಗಳ ವರದಿಯನ್ನು ಸನ್ನದು ಲೆಕ್ಕಪರಿಶೋಧಕರಿಂದ (Chartered Accountant) ದೃಢೀಕರಿಸಿ ಸಲ್ಲಿಸಬೇಕು.ಪ್ರಾದೇಶಿಕ ಪ್ರಾಧಿಕಾರಗಳು ಪ್ರತಿ ತಿಂಗಳು ಈ ವರದಿಗಳನ್ನು ವಿದೇಶಿ ವ್ಯಾಪಾರ ಮಹಾನಿರ್ದೇಶನಾಲಯಕ್ಕೆ (DGFT) ಸಲ್ಲಿಸಬೇಕು. ಸರ್ಕಾರದ ಈ ಕ್ರಮವು ಚಿನ್ನದ ಆಮದನ್ನು ವ್ಯವಸ್ಥಿತಗೊಳಿಸಲು ಮತ್ತು ರಫ್ತು ವ್ಯವಹಾರದಲ್ಲಿ ಪಾರದರ್ಶಕತೆಯನ್ನು ಕಾಯ್ದುಕೊಳ್ಳಲು ಸಹಕಾರಿಯಾಗಲಿದೆ.
· ವರದಿ ಸಲ್ಲಿಕೆ: ಪರವಾನಗಿ ಪಡೆದವರು ಪ್ರತಿ ಹದಿನೈದು ದಿನಗಳಿಗೊಮ್ಮೆ (Fortnightly) ತಮ್ಮ ಆಮದು ಮತ್ತು ರಫ್ತು ವಿವರಗಳ ವರದಿಯನ್ನು ಸನ್ನದು ಲೆಕ್ಕಪರಿಶೋಧಕರಿಂದ (Chartered Accountant) ದೃಢೀಕರಿಸಿ ಸಲ್ಲಿಸಬೇಕು.
· ಕೇಂದ್ರೀಕೃತ ಮೇಲ್ವಿಚಾರಣೆ: ಪ್ರಾದೇಶಿಕ ಪ್ರಾಧಿಕಾರಗಳು ಪ್ರತಿ ತಿಂಗಳು ಈ ವರದಿಗಳನ್ನು ವಿದೇಶಿ ವ್ಯಾಪಾರ ಮಹಾನಿರ್ದೇಶನಾಲಯಕ್ಕೆ (DGFT) ಸಲ್ಲಿಸಬೇಕು. ಸರ್ಕಾರದ ಈ ಕ್ರಮವು ಚಿನ್ನದ ಆಮದನ್ನು ವ್ಯವಸ್ಥಿತಗೊಳಿಸಲು ಮತ್ತು ರಫ್ತು ವ್ಯವಹಾರದಲ್ಲಿ ಪಾರದರ್ಶಕತೆಯನ್ನು ಕಾಯ್ದುಕೊಳ್ಳಲು ಸಹಕಾರಿಯಾಗಲಿದೆ.
