“ಇಡೀ ಮಾರ್ಕೆಟ್ ಖರೀದಿಸ್ತೀರಾ?”- ವಿಚ್ಛೇದನಕ್ಕೆ ₹500 ಕೋಟಿ, ತಿಂಗಳಿಗೆ ₹2 ಕೋಟಿ ಜೀವನಾಂಶ ಕೇಳಿದ ಮಹಿಳೆಗೆ ಹೈಕೋರ್ಟ್ ಜಡ್ಜ್ ಖಡಕ್ ವಾರ್ನಿಂಗ್

ಜೀವನಾಂಶವಾಗಿ ಪತಿಯಿಂದ ತಿಂಗಳಿಗೆ ಬರೋಬ್ಬರಿ 2 ಕೋಟಿ ರೂ. ಕೊಡಿಸಿ ಎಂದು ವಿಚ್ಛೇದನ ವಿಚಾರಣೆ ವೇಳೆ ಮಹಿಳೆಯೊಬ್ಬರು ಇಟ್ಟ ಡಿಮ್ಯಾಂಡ್ ಕೇಳಿ ಸ್ವತಃ ಕರ್ನಾಟಕ ಹೈಕೋರ್ಟ್ ನ್ಯಾಯಾಧೀಶರೇ ಒಂದು ಕ್ಷಣ ದಂಗಾಗಿ ಹೋಗಿದ್ದಾರೆ ಇಂಟರ್ನೆಟ್ ಲೋಕದಲ್ಲಂತೂ ಈ ವಿಲಕ್ಷಣ ಕೇಸ್ ಮತ್ತು ಮಹಿಳೆಯ ಅತಿರೇಕದ ಬೇಡಿಕೆ ಭಾರಿ ಸಂಚಲನ ಸೃಷ್ಟಿಸಿದ್ದು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿದೆ

₹500 ಕೋಟಿ ಸೆಟಲ್ಮೆಂಟ್ ಏನಿದು ಅತಿರೇಕದ ಡಿಮ್ಯಾಂಡ್?

ಪ್ರಕರಣದ ವಿವರಗಳ ಪ್ರಕಾರ, ಗಂಡ-ಹೆಂಡತಿ ನಡುವಿನ ಕೌಟುಂಬಿಕ ಕಲಹ ಕೋರ್ಟ್ ಮೆಟ್ಟಿಲೇರಿತ್ತು. ವಿಚ್ಛೇದನ ಪಡೆಯುವ ಸಂದರ್ಭದಲ್ಲಿ ಆ ಮಹಿಳೆ ತನಗೆ ಮಾಸಿಕ ಜೀವನಾಂಶವಾಗಿ (Monthly Alimony) ಬರೋಬ್ಬರಿ ₹2 ಕೋಟಿ ಹಾಗೂ ಒಟ್ಟು ಸೆಟಲ್ಮೆಂಟ್ ಮೊತ್ತವಾಗಿ ಮುಳುಗೇಳುವಷ್ಟು ಅಂದರೆ ₹500 ಕೋಟಿ ನೀಡಬೇಕು ಎಂದು ಕೋರ್ಟ್ ಮುಂದೆ ಬೇಡಿಕೆ ಇಟ್ಟಿದ್ದರು

ಸಾಮಾನ್ಯವಾಗಿ ಕೋರ್ಟ್‌ಗಳಲ್ಲಿ ಸಾವಿರ, ಲಕ್ಷ ಅಥವಾ ಕೆಲವೇ ಕೋಟಿಗಳ ಲೆಕ್ಕಾಚಾರ ಇರುತ್ತೆ. ಆದ್ರೆ, ಈ ರೇಂಜ್‌ನ ಅತಿರೇಕದ ಮೊತ್ತವನ್ನು ಕೇಳಿ ಜಡ್ಜ್ ಸಾಹೇಬ್ರೇ ಆಶ್ಚರ್ಯಚಕಿತರಾದರು.

ಮಾರ್ಕೆಟ್ ಖರೀದಿಸೋ ಪ್ಲಾನ್ ಇದೆಯಾ?”- ಜಡ್ಜ್ ಕೊಟ್ಟ ಕಡಕ್ ಪಂಚ್

ಈ ಅಸಮಂಜಸ ಬೇಡಿಕೆಯನ್ನು ಕೇಳಿ ಗರಂ ಆದ ಕರ್ನಾಟಕ ಹೈಕೋರ್ಟ್ ನ್ಯಾಯಾಧೀಶರು ಆಲಿಕೆಯ ಸಂದರ್ಭದಲ್ಲಿ ಮಹಿಳೆಗೆ ತೀಕ್ಷ್ಣವಾಗಿ ಪ್ರತಿಕ್ರಿಯಿಸಿದರು.

ಯಾರಾದರೂ ಕೋರ್ಟ್‌ನಲ್ಲಿ ಇಂತಹ ಬೇಡಿಕೆಯನ್ನು ಇಡುತ್ತಾರೆಯೇ? ನೀವು ಹಣವನ್ನು ಕೇವಲ ಖರ್ಚು ಮಾಡಲು ಬಯಸುತ್ತಿದ್ದೀರಾ ಅಥವಾ ಇಡೀ ಮಾರುಕಟ್ಟೆಯನ್ನೇ (Market) ಖರೀದಿಸಲು ನಿರ್ಧರಿಸಿದ್ದೀರಾ?” ಎಂದು ಹೈಕೋರ್ಟ್ ನ್ಯಾಯಾಧೀಶರು ನೇರವಾಗಿಯೇ ಪ್ರಶ್ನಿಸಿದರು

ಅಲ್ಲದೆ, ಪತಿಯ ಸದ್ಯದ ಆದಾಯ ಮತ್ತು ಆಸ್ತಿ ವಿವರಗಳಿಗೆ ಯಾವುದೇ ರೀತಿಯಲ್ಲೂ ಮ್ಯಾಚ್ ಆಗದ ಇಂತಹ ಅವಾಸ್ತವಿಕ ಬೇಡಿಕೆಗಳನ್ನು ನ್ಯಾಯಾಲಯದಲ್ಲಿ ಮಂಡಿಸಿ ಕೋರ್ಟ್ ಸಮಯ ವ್ಯರ್ಥ ಮಾಡಬಾರದು ಎಂದು ಕಡಕ್ ಆಗಿ ಎಚ್ಚರಿಸಿದ್ದಾರೆ.

ಸೋಶಿಯಲ್ ಮೀಡಿಯಾದಲ್ಲಿ ನೆಟ್ಟಿಗರು ಫುಲ್ ಟ್ರೋಲ್

ಹೈಕೋರ್ಟ್ ಅಂಗಳದಿಂದ ಹೊರಬಿದ್ದ ಈ ಸುದ್ದಿ ಸೋಷಿಯಲ್ ಮೀಡಿಯಾದಲ್ಲಿ ಕಾಡ್ಗಿಚ್ಚಿನಂತೆ ಹರಡಿದ್ದು, ಭಾರಿ ವೈರಲ್ ಆಗಿದೆ. ನೆಟ್ಟಿಗರು ಈ ಮಹಿಳೆಯ ಡಿಮ್ಯಾಂಡ್‌ಗೆ ತರಹೇವಾರಿ ಕಮೆಂಟ್‌ಗಳ ಮೂಲಕ ಆಕ್ರೋಶ ಮತ್ತು ಆಶ್ಚರ್ಯ ವ್ಯಕ್ತಪಡಿಸುತ್ತಿದ್ದಾರೆ.

“ಇದೇನು ವಿಚ್ಛೇದನನಾ ಅಥವಾ ಯಾವುದಾದ್ರೂ ಮಲ್ಟಿ-ನ್ಯಾಷನಲ್ ಕಂಪನಿ ಡೀಲಿಂಗಾ?” ಎಂದು ಕೆಲವರು ಪ್ರಶ್ನಿಸಿದ್ರೆ,

“ಜಡ್ಜ್ ಸಾಹೇಬ್ರು ಕೇಳಿದ ಪ್ರಶ್ನೆ ಮಾತ್ರ ಸೂಪರ್, ಇಡೀ ಮಾರ್ಕೆಟ್ ಕೊಳ್ಳೋ ಪ್ಲಾನ್ ಇರಬೇಕು” ಎಂದು ಮೀಮ್ಸ್ ಹರಿಬಿಡುತ್ತಿದ್ದಾರೆ.