ಗಳಿಸಿದ ಹಣವನ್ನು ಉಳಿಸದೇ ಹೋದರೆ ಭವಿಷ್ಯದಲ್ಲಿ ಆರ್ಥಿಕ ಸಂಕಷ್ಟ ಎದುರಾಗಬಹುದು ಎಂದು ಹಣಕಾಸು ತಜ್ಞರು ಎಚ್ಚರಿಸುತ್ತಾರೆ. ಆದರೆ ಒಂದೇ ಬಾರಿ ದೊಡ್ಡ ಮೊತ್ತ ಹೂಡಿಕೆ ಮಾಡುವುದು ಎಲ್ಲರಿಗೂ ಸಾಧ್ಯವಿಲ್ಲ. ಹಾಗಾದರೆ ಪ್ರತಿ ತಿಂಗಳು ಸಂಬಳದಿಂದ ಸ್ವಲ್ಪ ಮೊತ್ತವನ್ನು ಉಳಿಸುತ್ತಾ ಲಕ್ಷಾಂತರ ರೂಪಾಯಿ ಸಂಗ್ರಹಿಸುವುದು ಹೇಗೆ? ಪೋಸ್ಟ್ ಆಫೀಸ್ ರಿಕರಿಂಗ್ ಡಿಪಾಸಿಟ್ (RD) ಯೋಜನೆಯ ಮೂಲಕ ತಿಂಗಳಿಗೆ ₹3,500 ಹೂಡಿಕೆ ಮಾಡಿ ಸುಮಾರು ₹2.5 ಲಕ್ಷ ಪಡೆಯುವ ವಿಧಾನ ಇಲ್ಲಿದೆ.
ಮಧ್ಯಮ ವರ್ಗದವರು ಹಾಗೂ ಸಂಬಳದ ಉದ್ಯೋಗಿಗಳಿಗೆ ಉಳಿತಾಯವೇ ಭವಿಷ್ಯದ ಭದ್ರತೆ. ಗಳಿಸಿದ ಹಣವನ್ನು ಸರಿಯಾದ ಹೂಡಿಕೆ ಮಾರ್ಗದಲ್ಲಿ ಬಳಸದೇ ಇದ್ದರೆ ಅಗತ್ಯದ ಸಮಯದಲ್ಲಿ ಹಣದ ಕೊರತೆ ಎದುರಾಗಬಹುದು. ಅದಕ್ಕಾಗಿ ಹಣಕಾಸು ತಜ್ಞರು ಆದಾಯದ ಒಂದು ಭಾಗವನ್ನು ಸುರಕ್ಷಿತ ಯೋಜನೆಗಳಲ್ಲಿ ಹೂಡಿಕೆ ಮಾಡಲು ಸಲಹೆ ನೀಡುತ್ತಾರೆ.
ಒಂದೇ ಬಾರಿ ₹50 ಸಾವಿರ ಅಥವಾ ₹1 ಲಕ್ಷ ಹೂಡಿಕೆ ಮಾಡಲು ಸಾಧ್ಯವಾಗದವರಿಗೆ ಪೋಸ್ಟ್ ಆಫೀಸ್‌ನ Recurring Deposit (RD) ಯೋಜನೆ ಅತ್ಯುತ್ತಮ ಆಯ್ಕೆಯಾಗಿದೆ. ಈ ಯೋಜನೆಯಲ್ಲಿ ಪ್ರತಿ ತಿಂಗಳು ನಿಗದಿತ ಮೊತ್ತವನ್ನು ನಿಯಮಿತವಾಗಿ ಜಮಾ ಮಾಡಬಹುದು. ಸಾಮಾನ್ಯವಾಗಿ ಈ ಯೋಜನೆಯ ಅವಧಿ 5 ವರ್ಷಗಳು.
ರೂಪಾಯಿ ಕೂಡ ನಷ್ಟವಾಗುವುದಿಲ್ಲ
ಷೇರು ಮಾರುಕಟ್ಟೆಯ ಏರಿಳಿತಗಳು ಮತ್ತು ಅಪಾಯಗಳನ್ನು ಇಷ್ಟಪಡದವರಿಗೆ ಪೋಸ್ಟ್ ಆಫೀಸ್ ಯೋಜನೆಗಳು ಅತ್ಯಂತ ವಿಶ್ವಾಸಾರ್ಹ. ಏಕೆಂದರೆ ಇದು ಕೇಂದ್ರ ಸರ್ಕಾರದ ಅಧೀನದಲ್ಲಿ ಕಾರ್ಯನಿರ್ವಹಿಸುವುದರಿಂದ ಹೂಡಿಕೆಯ ಸಂಪೂರ್ಣ ಭದ್ರತೆ ದೊರೆಯುತ್ತದೆ.
ನೀವು ತಿಂಗಳಿಗೆ ₹3,500 ಅನ್ನು 5 ವರ್ಷಗಳ ಕಾಲ RD ಖಾತೆಯಲ್ಲಿ ಜಮಾ ಮಾಡಿದರೆ:
- ಒಟ್ಟು ಹೂಡಿಕೆ ಮೊತ್ತ: ₹2,10,000 (₹3,500 × 60 ತಿಂಗಳು)
- ಪ್ರಸ್ತುತ ಬಡ್ಡಿದರ: ವಾರ್ಷಿಕ 6.7%
- ಬಡ್ಡಿ ಆದಾಯ: ಸುಮಾರು ₹39,240
- ಮೆಚ್ಯುರಿಟಿ ಮೊತ್ತ: ಸುಮಾರು ₹2,49,240
ಕೇವಲ₹100ರಿಂದಲೇ ಖಾತೆ ತೆರೆಯಬಹುದು
ಈ ಯೋಜನೆಯ ಪ್ರಮುಖ ವಿಶೇಷತೆ ಎಂದರೆ ದೊಡ್ಡ ಮೊತ್ತದ ಅಗತ್ಯವಿಲ್ಲ. ಕೇವಲ ₹100ರಿಂದಲೇ RD ಖಾತೆ ಆರಂಭಿಸಬಹುದು. ನಂತರ ₹10ರ ಗುಣಾಕಾರಗಳಲ್ಲಿ ಬೇಕಾದಷ್ಟು ಮೊತ್ತವನ್ನು ಹೆಚ್ಚಿಸಬಹುದು. ಗರಿಷ್ಠ ಮಿತಿ ಇಲ್ಲ.
ಸಾಲ ಸೌಲಭ್ಯವೂ ಇದೆ
ಖಾತೆ ತೆರೆದ ಒಂದು ವರ್ಷದ ನಂತರ, ತುರ್ತು ಪರಿಸ್ಥಿತಿಯಲ್ಲಿ ಖಾತೆಯಲ್ಲಿರುವ ಮೊತ್ತದ 50% ವರೆಗೆ ಸಾಲ ಪಡೆಯುವ ಅವಕಾಶವಿದೆ. ಪಡೆದ ಸಾಲವನ್ನು ಒಮ್ಮೆಯೇ ಅಥವಾ ಕಂತುಗಳಲ್ಲಿ ಮರುಪಾವತಿಸಬಹುದು.ಇದಲ್ಲದೆ, 5 ವರ್ಷಗಳ ಅವಧಿ ಪೂರ್ಣಗೊಂಡ ನಂತರವೂ ಉಳಿತಾಯವನ್ನು ಮುಂದುವರಿಸಲು ಬಯಸಿದರೆ, ಖಾತೆಯನ್ನು ಇನ್ನೂ 5 ವರ್ಷಗಳಕಾಲವಿಸ್ತರಿಸಬಹುದು. ಇದರಿಂದ ಚಕ್ರಬಡ್ಡಿಯ ಲಾಭ ಹೆಚ್ಚಾಗಿ ಮೆಚ್ಯುರಿಟಿ ಮೊತ್ತವೂ ಹೆಚ್ಚಾಗುವ ಸಾಧ್ಯತೆ ಇದೆ.
ಯಾರು ಅರ್ಹರು? ಖಾತೆ ತೆರೆಯುವುದು ಹೇಗೆ?
- 18 ವರ್ಷ ಮೇಲ್ಪಟ್ಟ ಯಾವುದೇ ಭಾರತೀಯ ನಾಗರಿಕರು ವೈಯಕ್ತಿಕವಾಗಿ ಅಥವಾ ಗರಿಷ್ಠ ಮೂವರು ಸೇರಿ ಜಂಟಿ ಖಾತೆ ತೆರೆಯಬಹುದು.
- 10 ವರ್ಷ ಮೇಲ್ಪಟ್ಟ ಮಕ್ಕಳ ಹೆಸರಿನಲ್ಲಿ ಪೋಷಕರು ಖಾತೆ ತೆರೆಯಬಹುದು.
- ಸಮೀಪದ ಪೋಸ್ಟ್ ಆಫೀಸ್‌ಗೆ ತೆರಳಿ ಆಧಾರ್ ಕಾರ್ಡ್, ಪ್ಯಾನ್ ಕಾರ್ಡ್ ಹಾಗೂ ಪಾಸ್‌ಪೋರ್ಟ್ ಗಾತ್ರದ ಫೋಟೋಗಳು ಸಲ್ಲಿಸಿ ಸುಲಭವಾಗಿ ಖಾತೆ ತೆರೆಯಬಹುದು.
ಪ್ರತಿ ತಿಂಗಳು ಸ್ವಲ್ಪ ಮೊತ್ತವನ್ನು ಉಳಿಸಿ, ಐದು ವರ್ಷಗಳ ನಂತರ ಒಟ್ಟಾರೆ ದೊಡ್ಡ ಮೊತ್ತವನ್ನು ಪಡೆಯಲು ಬಯಸುವ ಮಧ್ಯಮ ವರ್ಗದ ಕುಟುಂಬಗಳು ಹಾಗೂ ಖಾಸಗಿ ಉದ್ಯೋಗಿಗಳಿಗೆ ಪ್ರತಿ ತಿಂಗಳು ಸ್ವಲ್ಪ ಮೊತ್ತವನ್ನು ಉಳಿಸಿ, ಐದು ವರ್ಷಗಳ ನಂತರ ಒಟ್ಟಾರೆ ದೊಡ್ಡ ಮೊತ್ತವನ್ನು ಪಡೆಯಲು ಬಯಸುವ ಮಧ್ಯಮ ವರ್ಗದ ಕುಟುಂಬಗಳು ಹಾಗೂ ಖಾಸಗಿ ಉದ್ಯೋಗಿಗಳಿಗೆ ಪೋಸ್ಟ್ ಆಫೀಸ್ ರಿಕರಿಂಗ್ ಡಿಪಾಸಿಟ್ (RD) ಯೋಜನೆ ನಿಜಕ್ಕೂ ವರದಾನವಾಗಿದೆ.
