ಬೆಂಗಳೂರು: ನೀವೇನಾದರೂ ಈ ತಿಂಗಳು ಹೊಸ ಕಾರು ಖರೀದಿಸುವ ಪ್ಲಾನ್‌ನಲ್ಲಿದ್ದೀರಾ? ಹಾಗಿದ್ದರೆ ನಿಮಗೊಂದು ಸೂಪರ್ ಜೂನ್ ಗಿಫ್ಟ್ ಕಾದಿದೆ ದೇಶದ ನಂ.1 ಕಾರು ಉತ್ಪಾದನಾ ಸಂಸ್ಥೆಯಾದ ಮಾರುತಿ ಸುಜುಕಿ (Maruti Suzuki) ತನ್ನ ಗ್ರಾಹಕರಿಗೆ ಜೂನ್ ತಿಂಗಳಿನಲ್ಲಿ ತಲೆತಿರುಗುವಂತಹ ಬಂಪರ್ ಆಫರ್ ಪ್ರಕಟಿಸಿದೆ. ತನ್ನ ಅತ್ಯಂತ ಜನಪ್ರಿಯ ಅರೆನಾ (Arena) ಮತ್ತು ಪ್ರೀಮಿಯಂ ನೆಕ್ಸಾ (Nexa) ಸರಣಿಯ ಕಾರುಗಳ ಮೇಲೆ ಬೃಹತ್ ರಿಯಾಯಿತಿ ಘೋಷಿಸಿದ್ದು, ಗ್ರಾಹಕರು ನೇರವಾಗಿ ₹2.15 ಲಕ್ಷದವರೆಗೆ ಭಾರಿ ಆರ್ಥಿಕ ಲಾಭವನ್ನು ಜೇಬಿಗಿಳಿಸಿಕೊಳ್ಳಬಹುದು
ಈ ಕೊಡುಗೆಯಲ್ಲಿ ನಗದು ರಿಯಾಯಿತಿ (Cash Discount), ಎಕ್ಸ್‌ಚೇಂಜ್ ಬೋನಸ್, ಸ್ಕ್ರಾಪೇಜ್ ಬೋನಸ್ ಮತ್ತು ರೋಡ್ ಟ್ಯಾಕ್ಸ್ ವಿನಾಯಿತಿಗಳು ಸೇರಿವೆ. ಯಾವ ಕಾರಿಗೆ ಎಷ್ಟು ಡಿಸ್ಕೌಂಟ್ ಸಿಗಲಿದೆ? ಇಲ್ಲಿದೆ ಕಂಪ್ಲೀಟ್ ಡೀಟೇಲ್ಸ್.
ಅತ್ಯಧಿಕ ರಿಯಾಯಿತಿ ಯಾರಿಗೆ? ಇನ್ವಿಕ್ಟೋ ಮತ್ತು ಗ್ರಾಂಡ್ ವಿಟಾರಾ ಧಮಾಕಾ
ಮಾರುತಿಯ ಈ ವಿಶೇಷ ಜೂನ್ ಆಫರ್‌ನಲ್ಲಿ ಕಂಪನಿಯ ಪ್ರೀಮಿಯಂ ಎಂಪಿವಿ (MPV) ಕಾರು ಆದ ‘ಇನ್ವಿಕ್ಟೋ’ (Invicto) ಮೇಲೆ ಅತ್ಯಧಿಕ ಅಂದರೆ ₹2.15 ಲಕ್ಷದವರೆಗೆ ಬೃಹತ್ ರಿಯಾಯಿತಿ ಸಿಗುತ್ತಿದೆ.
ಗ್ರಾಂಡ್ ವಿಟಾರಾ (Grand Vitara): ಈ ಜನಪ್ರಿಯ ಎಸ್‌ಯುವಿಯ ಸ್ಟ್ರಾಂಗ್ ಹೈಬ್ರಿಡ್ ಆವೃತ್ತಿಯ ಮೇಲೆ ₹90,000 ವರೆಗೆ ಪ್ರಯೋಜನಗಳಿದ್ದು, ಆಯ್ದ ಮಾರುಕಟ್ಟೆಗಳಲ್ಲಿ ಬರೋಬ್ಬರಿ ₹1.85 ಲಕ್ಷದವರೆಗೆ ರೋಡ್ ಟ್ಯಾಕ್ಸ್ (ರಸ್ತೆ ತೆರಿಗೆ) ವಿನಾಯಿತಿ ಮತ್ತು 5 ವರ್ಷಗಳ ಉಚಿತ ಎಕ್ಸ್‌ಟೆಂಡೆಡ್ ವಾರಂಟಿ ಸಿಗಲಿದೆ ಇನ್ನು ಇದರ ಬೇಸ್ ಪೆಟ್ರೋಲ್ ಮಾಡೆಲ್ ಮೇಲೆ ₹1.35 ಲಕ್ಷ ಹಾಗೂ ಸಿಎನ್‌ಜಿ ಆವೃತ್ತಿಯ ಮೇಲೆ ₹70,000 ವರೆಗೆ ಲಾಭ ಸಿಗಲಿದೆ.
ಅರೆನಾ ಸರಣಿ: ಸ್ವಿಫ್ಟ್, ಬ್ರೆಜ್ಜಾ, ವ್ಯಾಗನ್ಆರ್ ಮೇಲೂ ಭಾರಿ ಆಫರ್
ಮಾರುತಿಯ ಬಜೆಟ್ ಫ್ರೆಂಡ್ಲಿ ಅರೆನಾ ಕಾರುಗಳ ಮೇಲಿನ ಆಫರ್ ಲಿಸ್ಟ್ ಹೀಗಿದೆ:
ಬ್ರೆಜ್ಜಾ (Brezza): ಗರಿಷ್ಠ ₹55,000 ವರೆಗೆ ರಿಯಾಯಿತಿ.
ವ್ಯಾಗನ್ಆರ್ (WagonR) & ಆಲ್ಟೊ ಕೆ10 (Alto K10): ಮಧ್ಯಮ ವರ್ಗದ ನೆಚ್ಚಿನ ಈ ಎರಡು ಕಾರುಗಳ ಮೇಲೆ ತಲಾ ₹52,500 ವರೆಗೆ ಡಿಸ್ಕೌಂಟ್.
ಹೊಸ ಸ್ವಿಫ್ಟ್ (New Swift): ಇತ್ತೀಚೆಗಷ್ಟೇ ಲಾಂಚ್ ಆಗಿರುವ ಹೊಸ ಸ್ವಿಫ್ಟ್‌ನ ಎಜಿಎಸ್ (ಆಟೋ ಗೇರ್ ಶಿಫ್ಟ್) ಮಾಡೆಲ್ ಮೇಲೆ ₹45,000 ವರೆಗೆ ಹಾಗೂ ಮ್ಯಾನುಯಲ್/ಸಿಎನ್‌ಜಿ ಮೇಲೆ ₹40,000 ವರೆಗೆ ರಿಯಾಯಿತಿ ಇದೆ.
ಇತರ ಸಣ್ಣ ಕಾರುಗಳು: ಎಸ್-ಪ್ರೆಸ್ಸೊ, ಸೆಲೆರಿಯೊ ಮತ್ತು ಈಕೋ ಕಾರುಗಳ ಮೇಲೆ ₹37,500 ವರೆಗೆ ಲಾಭ ಸಿಗಲಿದೆ. (ಕಮರ್ಷಿಯಲ್ ಟೂರ್ ಮಾಡೆಲ್‌ಗಳ ಮೇಲೆ ₹25,000 ರಿಂದ ₹70,000 ವರೆಗೆ ಆಫರ್ ಇದೆ).
ನೆಕ್ಸಾ ಸರಣಿ: ಬಲೆನೊ, ಫ್ರಾಂಕ್ಸ್ ಇನ್ಮುಂದೆ ಇನ್ನು ಅಗ್ಗ
ಮಾರುತಿಯ ಪ್ರೀಮಿಯಂ ನೆಕ್ಸಾ ಶೋರೂಮ್ ಕಾರುಗಳ ಬೆಲೆಯಲ್ಲೂ ಭಾರಿ ಇಳಿಕೆಯಾಗಿದೆ:
ಬಲೆನೊ (Baleno): ಪೆಟ್ರೋಲ್ ಆವೃತ್ತಿಯ ಮೇಲೆ ₹40,000 ಮತ್ತು ಸಿಎನ್‌ಜಿ ಮೇಲೆ ₹35,000 ವಿನಾಯಿತಿ.
ಇಗ್ನಿಸ್ (Ignis): ಎಜಿಎಸ್ ಮಾಡೆಲ್ ಮೇಲೆ ₹45,000 ಹಾಗೂ ಮ್ಯಾನುಯಲ್ ಆವೃತ್ತಿಗೆ ₹40,000 ಡಿಸ್ಕೌಂಟ್.
ಫ್ರಾಂಕ್ಸ್ (Fronx): ಟರ್ಬೊ-ಪೆಟ್ರೋಲ್ ಆವೃತ್ತಿಯ ಮೇಲೆ ₹25,000 ಹಾಗೂ ರೆಗ್ಯುಲರ್ ಮಾಡೆಲ್‌ಗಳ ಮೇಲೆ ₹15,000 ಲಾಭ.
ಜಿಮ್ನಿ (Jimny): ಆಫ್-ರೋಡಿಂಗ್ ಕ್ರೇಜ್ ಇರೋರಿಗೆ ಜಿಮ್ನಿಯ ಎಲ್ಲಾ ಆವೃತ್ತಿಗಳ ಮೇಲೆ ₹45,000 ಫ್ಲಾಟ್ ಆಫರ್ ಲಭ್ಯವಿದೆ.
ಮಾರುತಿಯ ಈ 2 ಸೂಪರ್ ಹಿಟ್ ಕಾರುಗಳಿಗೆ ಬಿಡಿಗಾಸಿನ ಆಫರ್ ಕೂಡ ಇಲ್ಲ
ಇಡೀ ಮಾರುಕಟ್ಟೆಗೆ ಇಷ್ಟೊಂದು ಡಿಸ್ಕೌಂಟ್ ಕೊಟ್ಟಿರುವ ಮಾರುತಿ ಸುಜುಕಿ, ದೇಶದಲ್ಲೇ ಅತಿ ಹೆಚ್ಚು ಮಾರಾಟವಾಗುವ ತನ್ನ ಎರಡು ಬ್ಲಾಕ್‌ಬಸ್ಟರ್ ಕಾರುಗಳಾದ ಮಾರುತಿ ಸುಜುಕಿ ಡಿಸೈರ್ (Dzire) ಮತ್ತು ಮಾರುತಿ ಸುಜುಕಿ ಎರ್ಟಿಗಾ (Ertiga) ಕಾರುಗಳ ಮೇಲೆ ನಯಾಪೈಸೆ ರಿಯಾಯಿತಿಯನ್ನು ನೀಡಿಲ್ಲ ಮಾರುಕಟ್ಟೆಯಲ್ಲಿ ಈ ಎರಡೂ ಮಾಡೆಲ್‌ಗಳಿಗೆ ಡಿಮ್ಯಾಂಡ್ ಅಷ್ಟರಮಟ್ಟಿಗೆ ಇರುವುದರಿಂದ ಕಂಪನಿ ಈ ತೀರ್ಮಾನ ಕೈಗೊಂಡಿದೆ.
