ಬೆಂಗಳೂರು: ಅಮೆರಿಕ- ಇರಾನ್ ಸಂಘರ್ಷದ ಹಿನ್ನೆಲೆಯಲ್ಲಿ ವಿದೇಶಿ ವಿನಿಮಯ ಉಳಿಸಲು ಪ್ರಧಾನಿ ನರೇಂದ್ರ ಮೋದಿ ಅವರು ಚಿನ್ನ ಕೊಳ್ಳದಂತೆ ಕರೆ ನೀಡಿದ ಬೆನ್ನಲ್ಲೇ, ಮಾರುಕಟ್ಟೆಯಲ್ಲಿ ಚಿನ್ನದ ದರ ಗಗನಕ್ಕೇರಿದೆ. ಕೇಂದ್ರ ಸರ್ಕಾರವು ಚಿನ್ನದ ಆಮದು ಸುಂಕವನ್ನು (Import Duty) ಶೇ. 6 ರಿಂದ ಶೇ. 15 ಕ್ಕೆ ಏರಿಸಿದ ಪರಿಣಾಮವಾಗಿ, ಕಳೆದೆರಡು ದಿನಗಳಿಂದ ಬೆಲೆಗಳು ರಾಕೆಟ್ ವೇಗದಲ್ಲಿ ಏರಿಕೆ ಕಾಣುತ್ತಿವೆ.
ಬೆಂಗಳೂರಲ್ಲಿ ಇಂದಿನ ಲೇಟೆಸ್ಟ್ ದರಗಳು (ಮೇ 14, 2026):
24 ಕ್ಯಾರೆಟ್ ಚಿನ್ನ (ಅಪರಂಜಿ):
ಇಂದು 10 ಗ್ರಾಂ ಚಿನ್ನದ ಬೆಲೆಯಲ್ಲಿ ₹330 ಏರಿಕೆಯಾಗಿದ್ದು, ₹1,62,330 ದಾಖಲಾಗಿದೆ.
ಇಂದು 1 ಗ್ರಾಂ ಚಿನ್ನದ ಬೆಲೆ ₹33 ಏರಿಕೆ ಕಂಡು ₹16,233 ಕ್ಕೆ ತಲುಪಿದೆ.
ಗಮನಾರ್ಹವಾಗಿ, ನಿನ್ನೆ ಬುಧವಾರ ಒಂದೇ ದಿನ ₹8,020 ರಷ್ಟು ಭಾರೀ ಏರಿಕೆ ಕಂಡು ₹1,62,000 ದಾಖಲಾಗಿತ್ತು.
22 ಕ್ಯಾರೆಟ್ ಚಿನ್ನ (ಆಭರಣ ಚಿನ್ನ):
ಇಂದು ಪ್ರತಿ 10 ಗ್ರಾಂ ಚಿನ್ನದ ಮೇಲೆ ₹300 ಏರಿಕೆಯಾಗಿದ್ದು, ₹1,48,800 ರಂತೆ ವಹಿವಾಟು ನಡೆಸುತ್ತಿದೆ.
ನಿನ್ನೆ ಬುಧವಾರ ಈ ದರ ₹1,48,500 ಕ್ಕೆ ತಲುಪಿತ್ತು.
ಬೆಳ್ಳಿ ದರದಲ್ಲಿ ಅಲ್ಪ ಇಳಿಕೆ:
ಚಿನ್ನದ ಬೆಲೆ ಏರುತ್ತಿದ್ದರೂ, ಬೆಳ್ಳಿ ದರದಲ್ಲಿ ಇಂದು ಸ್ವಲ್ಪ ಸಮಾಧಾನಕರ ಅಂಶ ಕಂಡುಬಂದಿದೆ. ಇಂದು ಪ್ರತಿ ಕೆಜಿ ಬೆಳ್ಳಿ ದರ ₹10,000 ಇಳಿಕೆಯಾಗಿದೆ.
ಆಮದು ಸುಂಕ ಏರಿಕೆಗೆ ಕಾರಣವೇನು?
ವಿದೇಶಿ ವಿನಿಮಯವನ್ನು ಉಳಿಸಲು ಮತ್ತು ಅತಿಯಾದ ಆಮದನ್ನು ನಿಯಂತ್ರಿಸಲು ಕೇಂದ್ರ ಸರ್ಕಾರವು ಚಿನ್ನ, ಬೆಳ್ಳಿ ಮತ್ತು ಪ್ಲಾಟಿನಂ ಮೇಲಿನ ಸುಂಕವನ್ನು ಶೇ. 15ಕ್ಕೆ ಏರಿಸಿದೆ. ಪ್ರಧಾನಿ ಮೋದಿಯವರು ಕೂಡ ಚಿನ್ನದ ಖರೀದಿಯನ್ನು ತಾತ್ಕಾಲಿಕವಾಗಿ ನಿಲ್ಲಿಸುವಂತೆ ನಾಗರಿಕರಲ್ಲಿ ಮನವಿ ಮಾಡಿದ್ದಾರೆ. ಈ ಆಕಸ್ಮಿಕ ಬದಲಾವಣೆಯು ಮಾರುಕಟ್ಟೆಯಲ್ಲಿ ತಲ್ಲಣ ಸೃಷ್ಟಿಸಿದ್ದು, ಆಭರಣ ಖರೀದಿದಾರರಲ್ಲಿ ಆತಂಕ ಮೂಡಿಸಿದೆ.
ಭಾರತದ ಪ್ರಮುಖ ನಗರದಲ್ಲಿ ಚಿನ್ನದ ಬೆಲೆ
ನಗರ 24 ಕ್ಯಾರಟ್ ಚಿನ್ನದ ದರ (1 ಗ್ರಾಂ)
ಚೆನ್ನೈ ₹16,418
ಮುಂಬೈ ₹16,233
ದೆಹಲಿ ₹16,226
ಕೋಲ್ಕತ್ತಾ ₹16,233
ಬೆಂಗಳೂರು ₹16,233
ಹೈದರಾಬಾದ್ ₹16,233
ಕೇರಳ ₹16,233
ಪುಣೆ ₹16,233
ವಡೋದರಾ ₹16,238
ಅಹಮದಾಬಾದ್ ₹16,238
