ಹೈದರಾಬಾದ್–ಮಂಗಳೂರು ಸೆಂಟ್ರಲ್ ನಡುವಿನ ವಿಶೇಷ ರೈಲುಗಳ ವಿಸ್ತರಣೆ

ಬೆಂಗಳೂರು: ದಕ್ಷಿಣ ಮಧ್ಯ ರೈಲ್ವೆಯು ರೈಲು ಸಂಖ್ಯೆ 07097/07098 ಹೈದರಾಬಾದ್-ಮಂಗಳೂರು ಸೆಂಟ್ರಲ್-ಹೈದರಾಬಾದ್ ಸಾಪ್ತಾಹಿಕ ವಿಶೇಷ ಎಕ್ಸ್’ಪ್ರೆಸ್ ರೈಲುಗಳ ಸೇವೆಯನ್ನು ಹಾಲಿ ಇರುವ ನಿಲ್ದಾಣಗಳು ಮತ್ತು ಬೋಗಿಗಳ ಸಂಯೋಜನೆಯೊಂದಿಗೆ ಹಾಗೂ ರೈಲು ಸಂಖ್ಯೆ 07098ರ ವೇಳಾಪಟ್ಟಿಯನ್ನು ಕೆಲವು ನಿಲ್ದಾಣಗಳಲ್ಲಿ ಪರಿಷ್ಕೃತ ಸಮಯದೊಂದಿಗೆ ವಿಸ್ತರಿಸಲು ಸೂಚಿಸಿದೆ.

ಈ ಮೊದಲು 02.09.2026ರವರೆಗೆ ಮಾತ್ರ ಸಂಚರಿಸಲು ಸೂಚಿಸಲಾಗಿದ್ದ ರೈಲು ಸಂಖ್ಯೆ 07097 ಹೈದರಾಬಾದ್–ಮಂಗಳೂರು ಸೆಂಟ್ರಲ್ ಸಾಪ್ತಾಹಿಕ ವಿಶೇಷ ಎಕ್ಸ್’ಪ್ರೆಸ್, ಈಗ 09.09.2026 ರಿಂದ 25.11.2026 ರವರೆಗೆ ವಿಸ್ತರಣೆಯಾಗಲಿದೆ.

ಅದೇ ರೀತಿ, ಹಿಂದೆ 03.09.2026 ರವರೆಗೆ ಸೂಚಿಸಲಾಗಿದ್ದ ರೈಲು ಸಂಖ್ಯೆ 07098 ಮಂಗಳೂರು ಸೆಂಟ್ರಲ್-ಹೈದರಾಬಾದ್ ಸಾಪ್ತಾಹಿಕ ವಿಶೇಷ ಎಕ್ಸ್’ಪ್ರೆಸ್, ಈಗ 10.09.2026 ರಿಂದ 26.11.2026 ರವರೆಗೆ ವಿಸ್ತರಣೆಯಾಗಲಿದೆ. ಈ ವಿಸ್ತರಿತ ಅವಧಿಯಲ್ಲಿ ಈ ರೈಲುಗಳು ಎರಡೂ ದಿಕ್ಕುಗಳಲ್ಲಿ ತಲಾ 12 ಸಂಚಾರಗಳನ್ನು (Trips) ನಡೆಸಲಿವೆ. ರೈಲು ಸಂಖ್ಯೆ 07098 ರ ಪರಿಷ್ಕೃತ ಸಮಯವು ರಾಷ್ಟ್ರೀಯ ರೈಲು ವಿಚಾರಣಾ ವ್ಯವಸ್ಥೆ ವೆಬ್ಸೈಟ್ನಲ್ಲಿ (https://enquiry.indianrail.gov.in/mntes/) ಲಭ್ಯವಿದೆ.